स्याङ्जा सहयोग समाज कुवेतद्वारा एम्बुलेन्स सहयोग

असार ६, २०७७ शनिबार १६:१८:१८ | रासस

स्याङ्जा–स्याङ्जा सहयोग समाज कुवेतले चापाकोटलाई निःशुल्क एम्बुलेन्स उपलब्ध गराएको छ । चापाकोट नगरपालिका र हरिनास गाउँपालिकालाई एक/एक वटा एम्बुलेन्स उपलब्ध गराउने निर्णय गरेसँगै यसपटक चापाकोटलाई सहयोग गरिएको समाजका महासचिव श्रवण गाहामगरले बताउनुभयो ।

सांकेतिक तस्बिर

'कुवेतमा रहेको समितिको पहलमा एम्बुलेन्स खरिदका लागि ब्यक्तिगत तथा सांस्कृतिक कार्यक्रमको आयोजना गरेर रकम सङ्कलन गरेका थियौं', महासचिव मगरले भन्नुभयो, 'हामीले गरेको विशुद्ध सामाजिक कार्यले मूर्तरुप पाएको छ ।' यसअघि हरिनास गाउँपालिकामा रहने गरी टाटा सुमो कम्पनीको एम्बुलेन्स हस्तान्तरण गरिएको र अहिले महिन्द्रा कम्पनीको बोलेरोमा अत्याधुनिक प्रविधि जडान भएको एम्बुलेन्स उपलब्ध गराइएको हो ।

दुई वटा एम्बुलेन्स खरिदका लागि भन्सार छुटसहित झण्डै २३ लाख लागेको समाजका महासचिव मगरले बताउनुभयो । ग्रामीण वस्तीमा यातायातका साधन प्राप्त गर्न सहज पहुँच नपुग्ने भएकाले बिरामीलाई सहजरुपले ओसारपसार गर्दा राहत हुने समाजका सल्लाहकार विश्वास पुरीले बताउनुभयो ।

एम्बुलेन्सलाई व्यवस्थितरुपमा चलाउन समिति वनाउने तयारी भइरहेको छ । नगरपालिकाको पायक पर्ने स्थानमा एम्बुलेन्स राखिनेछ । चापाकोटसहित पाल्पाको रामपुर नगरपालिकाका बासिन्दाले सहजरुपमा सेवा लिन सक्ने छन् ।

७३ कृषकलाई मौरीसहितको घार

यहाँका ७३ कृषकलाई मौरीसहितको १०० घार ५० प्रतिशत अनुदानमा वितरण गरिएको छ । भीरकोट नगरपालिका–५ का ७३ किसानलाई प्रधानमन्त्री कृषि आधुनिकीकरण परियोजना मौरी पकेट कार्यक्रम अन्तर्गत मौरीको गोलासहितको घार अनुदानमा वितरण गरिएको नगरपालिकाका प्रमुख छायाराम खनालले बताउनुभयो ।

भीरकोट नगरपालिकाका–३ र ५ वडामा सञ्चालित नवसिर्जना कृषि सहकारी संस्थाको समन्वय तथा कृषि ज्ञान केन्द्र स्याङ्जाको सहयोगमा मौरी पकेट क्षेत्र सञ्चालन गरिएको र सोही पकेट क्षेत्रमा रहेका इच्छुक किसानलाई ५० प्रतिशत अनुदानमा घार उपलब्ध गराइएको नगरप्रमुख खनालले बताउनुभयो ।

'मौरीपालनका लागि प्रशस्तै चरनको क्षेत्र तथा वन भएकाले पनि भीरकोटमा मौरीपालन व्यवसाय फस्टाउँदो छ', नगरप्रमुख खनालले भन्नुभयो, 'घार प्राप्त गरेका किसानलाई भोलिदेखि नै पाँच दिनको तालिम दिने गरी खबर गरेका छौँ ।'

पहिलो चरणमा भीरकोट–५ का ७३ जना किसानलाई एकसय मौरीसहितको घार वितरण गरिएको छ भने दोस्रो चरणमा वडा नं. ३ मा असार १५ भित्र नै मौरीपालन गर्ने किसानको छनोट गरी एकसय मौरीसहितको घार उपलब्ध गराउने तथा पाँच दिने तालीमसमेत प्रदान गर्ने तयारी भएको भीरकोट मौरी पकेट क्षेत्रका अध्यक्ष नन्दलाल खनालले बताउनुभयो । महमा औषधीय गुण हुने र यो स्वास्थ्यका दृष्टिले निक्कै उपयोगी भएकाले पनि यसको माग अत्याधिक बढेकाले मौरीपालनतर्फ पछिल्लो समय किसान आकर्षित भएका छन् ।

याे पनि पढ्नुहाेस्

जुन २० : खाडीका ६ देश र मलेसियामा कोरोना सङ्क्रमणकाे पछिल्लाे अपडेट

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्