ओमानबाट १४७ नेपाली लिएर काठमाण्डौका लागि उड्यो सलाम एअर

असार ४, २०७७ बिहीबार १२:३२:३८ | उज्यालो सहकर्मी

काठमाण्डौ – ओमानबाट १४७ जना नेपाली स्वदेश फर्कंदैछन् । उनीहरुलाई लिएर जहाज काठमाण्डौका लागि उडेको ओमानका लागि नेपाली राजदूत शर्मिला पराजुली ढकालले जानकारी दिनुभयो ।

सलाम एअरको फ्लाइट नम्बर ओभी ४२७ जहाजमा ११० जना पुरुष र ३७ जना महिला छन्। जहाज दिउँसो २ बजे काठमाण्डौ आइपुग्नेछ । फर्कने सबैको साथमा पीसीआर परीक्षण नेगेटिभ भएको रिपोर्ट छ । उनीहरु विमानस्थल र होल्डिङ सेन्टर हुँदै सिधै होम क्वरेण्टीनमा जान पाउनेछन् ।

ओमानमा कोरोनाको कारण अन्तर्राष्ट्रिय उडान बन्द हुँदा समस्यामा परेका नेपालीलाई त्यहाँ रहेको नेपाली दूतावासले सलाम अएरमार्फत स्वदेश फर्काइरहेको छ । दूतावासका कर्मचारी र राजदूत आफैं स्वदेश फर्कने नेपालीको बिदाइका लागि विमानस्थल पुगेका थिए ।

दूतावासले सरकारले तोकेकोभन्दा सस्तो भाडादरमा ओमानबाट नेपालीलाई स्वदेश फर्काएको छ । एकतर्फी उडानको भाडा ११५ ओमानी रियाल अर्थात आजको विनिमय दर अनुसार ३६ हजार ४ सय २३ रुपैयाँ तोकेको छ । यो भाडादर सरकारले स्वदेश फिर्तीका लागि तोकेकोभन्दा सस्तो हो । सरकारले उद्धार उडानका लागि हुने चार्टर्ड जहाजको भाडा तीन पटक घटाएर ओमानका लागि ३६८ अमेरिकी डलरमा झारेको छ । यो भनेको आजको विनिमयदर अनुसार ४४ हजार ८१६ रुपैयाँ हो ।

‘समस्यामा परेका नेपालीलाई केही सहयोग होस् भनेर मैले सलाम एअरसँग प्रत्यक्ष कुरा गरेर भाडादर घटाउन अनुरोध गरको हुँ,’ राजदूत पराजुलीले भन्नुभयो, ‘सरकारको भाडादर खारेज गरेको होइन, दूतावास राज्यकै निकाय हो, केही भाडादर घटाएर राज्यलाई नै सहयोग गरेको हुँ ।’

यसअघि असार एक गते पनि १६६ जना नेपाली स्वदेश फर्किसकेका छन् । समस्यामा परेका बेलामा दूतावाससँग नेपालीको अपेक्षा धेरै हुने र त्यो अपेक्षा पूरा गर्न आफूले सक्दो सहयोग गरेको राजदूत पराजुलीको भनाइ छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्