एक हप्तामै विदेशमा रहेका ९ हजारभन्दा धेरै नेपाली कोरोनाबाट निको भए

जेठ ३२, २०७७ आइतबार १०:४७:५९ | उज्यालो सहकर्मी

काठमाण्डौ – विदेशमा कोरोनाबाट निको हुने नेपालीको सङ्ख्या बढेको छ । गैरआवासीय नेपाली संघ एनआरएनए अन्तर्गतको स्वास्थ्य समितिका अनुसार गएको हप्ता विदेशमा ९ हजारभन्दा बढी नेपालीले कोरोनालाई जितेका हुन् ।

यस्तै विदेशमा रहेका नेपालीमा कोरोना सङ्क्रमण र सङ्क्रमणबाट मृत्यु हुने क्रम पनि कम हुँदै गएको छ ।

एनआरएनए अन्तर्गतको स्वास्थ्य समितिले गएको एक सातामा विदेशमा रहेका नेपालीको कोरोना सङ्क्रमणको अवस्थामा उल्लेख्य मात्रामा कमी आएको जनाएको छ । गएको साता कोरोनाबाट विदेशमा रहेका कोही नेपालीको पनि ज्यान गएको छैन ।

शनिबार साँझसम्म विश्वका विभिन्न देशमा रहेका १७ हजार ७ सय ९२ जना नेपालीमा कोरोना सङ्क्रमण भएको छ ।

एनआरएनए स्वास्थ्य समितिका संयोजक डा. सञ्जीव सापकोटाका अनुसार गएको साता पहिलो पटक अफ्रिकी देशमा रहेका ३ जना नेपालीमा कोरोना भाइरसको संक्रमण भेटिएको छ । संघका अनुसार कोरोना संक्रमणले अहिलेसम्म १ सय २७ जना नेपालीले विदेशमा ज्यान गुमाएका छन् ।

कोरोना भाइरसका कारण बेलायत, यूएई, साउदी अरब, बहराइन, कुवेत, कतार, आयरल्याण्ड, जापान, टर्की, नेदरल्याण्ड र स्वीडेनलगायत १३ देशमा रहेका नेपालीहरुको ज्यान गएको छ ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्