कुवेतबाट आज फर्कने जिल्ला जान पाएनन्, कोरोना आशंकामा सबैलाई खरिपाटी क्वरेण्टीनमा लगियो

जेठ ३०, २०७७ शुक्रबार १७:१:१८ | उज्यालो सहकर्मी

काठमाण्डौ – आज कुवेतबाट फर्किएका सबै महिलालाई खरिपाटीमा रहेको क्वरेण्टीनमा राखिएको छ ।

कोभिड १९ क्राइसिस म्यानेजमेण्ट कमिटटी सीसीएमसी स्रोतका अनुसार फर्कने नेपालीमध्ये केहीमा कोरोना सङ्क्रमणको आशंका भएपछि सबै जनालाई खरिपाटीको क्वरेण्टीनमा लगिएको हो ।

कुवेतमा आममाफीमा सहभागी १ सय ४० जना महिलासहित २ जना दुई वर्ष मुनिका बालबालिका र ७ जना १२ वर्ष मुनिका बालबालिका स्वदेश फर्किएका छन् ।

उनीहरुलाई कुवेतले आफ्नै जहाजमार्फत निःशुल्क नेपाल पठाइदिएको हो । फर्किएकाहरुलाई विमानस्थलमा सामान्य स्वास्थ्य जाँचपछि प्रदेश अनुसारको होल्डिङ सेन्टरमा लगेर सम्बन्धित जिल्ला पठाइने भए पनि आज फर्कनेमध्ये केहीमा कोरोना सङ्क्रमणको आशंका देखिएपछि उनीहरुलाई सिधै क्वरेण्टीन लगिएको सीसीएमसी स्रोतले जनाएको छ ।

कुवेतमा भिसा नवीकरण नगर्दा अवैधानिक भएका र रोजगारदाता परिवर्तन गरेर काम गर्दा अघिल्लो रोजगारदाताले जारिवाना लगाएका नेपालीलाई लाग्ने शुल्क माफ गरी निःशुल्क रुपमा आफ्नै जहाजमार्फत नेपाल ल्याइदिएको हो । कुवेतले गएको अप्रिल महिनाभरी नै नेपालसहित विभिन्न देशका नागरिकलाई यी दुई तरिकाले आममाफीमा सहभागी गराएको थियो।

नेपालीलाई भने अप्रिल २६ देखि ३० सम्मको चार दिनको समय दिएको थियो । यो चार दिनमा आममाफीमा सहभागी झण्डै तीन हजार जनालाई कुवेतले आफ्नै जहाजमार्फत नेपाल ल्याइदिने छ ।

कुवेतले आममाफीमा सहभागी भएकालाई आफ्नै खर्चमा सेल्टरमा राखेको छ । खाद्यान्न सहित आवश्यक कुराको व्यवस्था पनि कुवेत सरकारले नै गरेको छ । आममाफीमा सहभागी र केही घरफिर्ती केन्द्रमा रहेका २९९१ जनाको सूची दूतावासले परराष्ट्र मन्त्रालयलाई पठाएको छ । बिहीबार पनि २९९ जना नेपाली महिला स्वदेश फर्किसकेका छन् ।

कुवेतबाट बालबालिकासहित १ सय ४९ जना नेपाल आइपुगे

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कुवेतबाट आज फर्कने जिल्ला जान पाएनन्, कोरोना आशंकामा सबैलाई खरिपाटी क्वरेण्टीनमा लगियो

तस्बिर : कुवेतबाट हिजाे फर्किएकी महिला

तपाईको प्रतिक्रिया