यूएईबाट एकसय ५७ नेपाली बोकेर जहाज काठमाण्डौ उड्यो, ६ बजेर १० मिनेटमा नेपाल आइपुग्ने

 जेठ २३, २०७७ शुक्रबार १४:४४:९ | उज्यालो सहकर्मी

यूएई – यूएईबाट एक सय ५७ नेपाली लिएर जहाज नेपाल उडेको छ । कोरोनाको कारण समस्यामा परेका एकसय ५७ जना नेपाली एअर अरबियाको उडान नम्बर जी नाइन १७५१ मार्फत नेपाल उडेका हुन् ।

जहाजमा इजादा फ्यासिलिटी म्यानेजमेण्ट कम्पनीका ६७ जना र ट्रन्सगार्ड सेक्युरिटी कम्पनीमा सेक्युरिटीको काम गर्ने ७९ जना र ११ जना अन्य नेपालीसहित एकसय ५७ जना छन् । नेपाल नागरिक उड्डयनका प्राधिकरणका प्रवक्ता राजकुमार क्षेत्रीले भने यूएईबाट १६८ जना यात्रु तथा एक शवसहित जहाज आउँदै गरेको बताउनुभयो । जहाज साँझ ६ बजेर १० मिनेटमा त्रिभुवन विमानस्थलमा अवतरण गर्नेछ । 

यूएईबाट नेपाल उडान हुने भनेपछि बिहानैदेखि विमानस्थलमा नेपालीहरु पुगेका थिए । सुरुमा यूएईको स्थानीय समय अनुसार १० बजेर ५५ मिनेटको बोर्डिङपास दिइएको थियो । नेपालीलाई एकपटक जहाजमा राखेर फेरि ओरालिएको थियो । त्यसपछि क्वरेण्टीनमा बस्छु भन्ने कागजमा सही गराएपछि यात्रु लिएर जहाज नेपालतर्फ उडेको हो । फर्कने नेपालीको कोरोना जाँच भएको छैन ।

सरकारले विदेशबाट फर्काइने नेपालीको साथमा कोरोना जाँचको रिपोर्ट अनिवार्य हुनुुपर्ने मापदण्ड बनाएको छ । तर यूएईले आफ्नै खर्चमा एकसय ६८ सिट क्षमताको जहाजमार्फत पठाउने भनिएको उडान भने हुन सकेन । अहिले विमानस्थलमा पुगेका नेपालीहरु भने साथमा पैसा, पासपोर्ट र टिकट हुनेहरु हुन् ।

उनीहरुलाई टिकटको व्यवस्था कम्पनीले गर्‍यो या आफैं टिकट काटे भन्नेबारे खुलेको छैन । साथमा पैसा र टिकट काट्न सक्नेहरु विमानस्थल पुगे पनि अन्यको हकमा भने अन्यौल भएको छ ।

विदेशमा अति नै दुःख पाएका नेपालीलाई उद्धार गर्ने सरकारको निर्णयअनुसार उनीहरुलाई स्वदेश ल्याउन लागिएको हो । यसअघि शुक्रबार बिहान म्यानबारबाट २६ जना नेपालीलाई स्वदेश ल्याइएको छ ।

अन्तिम अपडेट: मंसिर १०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

5 Comments

  • Lakchung Sherpa

    June 5, 2020, 7:08 p.m.

    म दुबईको अजमानतिर छु / अहिले यो कोरोनाले गर्दा बिजोग भएको छ / म रुममा बसेको ३ महिना भयो ...अहिले मेरो भीसा पनि सकियो ...म नेपाल जानुपर्ने भयो / यहाँ काम पनि छैन...भीसा पनि सकियो ...अहिलले खान पनि आफ्नै पैसाले किनेर खानु परेको छ ..त्यसैले जसरी भएपनि नेपाल जानुपर्यो /

  •  0 Reply

  • Dinesh singh thakuri

    June 5, 2020, 5:10 p.m.

    राम्रो ....यहाँ दुख पाएकाहरुलाई छिटो नेपाल पुर्यौनु पर्छ ।तर अहिले दुबाइ र अबुधाबी मात्र हेरिएको छ्’एर्को कुरा फम भर्न नजान्ने कती नेपाली पनि छ्न यिनिहरुको दाता कोले सन्कलन गर्ने

  •  0 Reply

  • suraj thapa

    June 5, 2020, 4:43 p.m.

    बिदेशम कोरोनाको तरसमा बसेका नेपालिहरु घर फर्कियको खबर्ले मन भित्रै देखि हर्सित भय्को छ।अब मेरूअनी पालो आउछकी भन्ने आसा ओअलायको छ।तर नेओअलमा के कस्तो बेवास्था छ राम्रो सङग कोरोना को टेस्ट गराय्र मात्र स्थानिय निकाय सम्म पुराइयोस । Suraj Thapa UAE fujaherah

  •  0 Reply

  • Santosh naral

    June 5, 2020, 3:27 p.m.

    I am a student from Nepal. I came in Dubai for internship my internship is completed and I have to go back. My visa is cancelled and I am having several problems.

  •  0 Reply

  • बिनोद कुमार नकाल

    June 5, 2020, 2:56 p.m.

    कम्पनी को नाम :- ocean dive center 3 महिना भयो खाना बस्न केहि दिएको छैन

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई