नक्कली बिरामी बनेर एम्बुलेन्समा लागुऔषध तस्करी : तीन जना पक्राउ

जेठ २३, २०७७ शुक्रबार ११:२३:४५ | हेमराज शर्मा

दाङ - नक्कली बिरामी बनेर एम्बुलेन्समा खैरो हेरोइन बोकेर आउँदै गरेका तीन जना दाङमा पक्राउ परेका छन् ।

तुल्सीपुर उद्योग वाणिज्य संघको रा १ च ३८९ नम्बरको एम्बुलेन्समा बाँकेको नेपालगञ्जबाट दाङको तुल्सीपुर आउदै गरेको अवस्थामा तीन जनालाई पक्राउ गरिएको इलाका प्रहरी कार्यालय तुल्सीपुरले जनाएको छ ।

तुल्सीपुर उपमहानगरपालिका वडा नम्बर-१३ऽ दमारगाउँ अस्थायी प्रहरी पोष्टमा जाँच गर्दा एम्बुलेन्समा रहेका दाङ घोराही उपमहानगरपालिका वडा नम्बर १५ बरालाका २३ वर्षीय शंकर पुन नक्कली बिरामी बनेर १६ ग्राम ४ सय ५० मिलिग्राम खैरो हेराेइनसहित पक्राउ परेको प्रहरीले जनाएको छ ।

एम्बुलेन्समा आएकी तुल्सीपुर उपमहानगरपालिका वडा नम्बर ५ की १८ वर्षीया दिपा थापालाई सोधपुछ गर्दा शंकर नक्कली बिरामी बनेर आएको जानकारी पाएपछि उनको शरीर खानतलासी गर्दा पाइन्टको गोजीमा कालो प्लाष्टिकका दुइवटा पोका बनाइ लुकाइराखेको अवस्थामा खैरो हेरोइन बरामद गरिएको प्रहरीले जनाएको छ ।

पुन, थापा र एम्बुलेन्स चालक दाङको दंगीशरणका तिलक विकलाई नियन्त्रणमा लिएर थप अनुसन्धान भइरहेको प्रहरीले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्