यूएई र म्यानमारबाट नेपाली लिएर जहाज आउँदै

जेठ २३, २०७७ शुक्रबार १०:४:५५ | उज्यालो सहकर्मी

काठमाण्डौ – यूएई र म्यानमारमा समस्यामा परेकामध्ये केही नेपाली आज स्वदेश फर्कने भएका छन् । म्यानमारबाट २६ जना यात्रु बोकेको जहाज उडिसकेको र यूएईबाट पनि १६८ जना यात्रु तथा एक शवसहित जहाज आउने निश्चित भएको नेपाल नागरिक उड्डयनका प्राधिकरणका प्रवक्ता राजकुमार क्षेत्री जानकारी दिनुभयो ।

‘म्यानमारबाट जहाज उडेको छ, दिल्ली हुँदै आउने कि सिधै आउने भन्ने टुंगो लाग्न बाँकी छ,’ प्रवक्ता क्षेत्रीले उज्यालोसित भन्नुभयो, ‘यूएईबाट पनि जहाज आउने निश्चित छ, समय भने टुङ्गो लागिसकेको छैन ।’

यूएईले आफ्नै खर्चमा एयर अरेबियामार्फत समस्यामा परेका नेपालीलाई पठाउन लागेको हो । कोरोना जाँचसहित यूएईले एअर अरेबियाका ८ वटा उडानमार्फत नेपाली श्रमिकलाई नेपाल ल्याइदिने तालिकासहित प्रस्ताव पठाएको थियो ।

उडान हुने खबर अनुसार यूएईको एक कम्पनीले आफ्ना श्रमिकलाई तयार रहन भनेको छ । यूएईको दुबईमा रहेको इजाद फ्यासिलिटी म्यानेजमेण्ट कम्पनीमा लाइफगार्डको रुपमा कार्यरत श्रमिकहरु बिमानस्थलतर्फ गइसकेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्