कोरियन भाषा परीक्षा अनिश्चित, यो वर्ष पास हुनेको सङ्ख्या पनि घट्ने

जेठ ११, २०७७ आइतबार १४:३७:३ | उज्यालो सहकर्मी

काठमाण्डौ – कोरियन भाषा परीक्षा अनिश्चित भएको छ । एचआरडी कोरियाले २०२० जुनमा लिने भनिएको परीक्षा कोरोनाको कारण रद्द भएको र अब भाषा परीक्षा तथा सीप परीक्षण कहिले हुन्छ भन्ने यकिन नभएको जनाएको छ ।

यस्तै अब हुने परीक्षामा उत्पादनमुलक क्षेत्रमा मात्र परीक्षा लिएर कामदार छानोट गर्ने योजना भएकाले अघिल्लो वर्षको तुलनामा भाषा परीक्षामा पास हुनेको सङ्ख्या घट्ने एचआरडी कोरियाले जनाएको छ । २०१९ को भाषा परीक्षामा कृषि तथा पशुपालन क्षेत्र र उत्पादनमुलक क्षेत्रमा गरी दुई विधामा परीक्षा भएकाले धेरै पास भएका थिए ।

यो वर्ष विशेष कोरियन भाषा परीक्षा (सीबीटी) पनि नहुने भएको छ । रोष्टरमा भएका व्यक्तिहरु धेरै भएकाले यो वर्ष सीबीटी परीक्षा नहुने एचआरडी कोरियाले उल्लेख गरेको छ । भाषा परीक्षामा हुने अमर्यादित गतिविधि रोक्न कम्युटर लगायतका तरिकाबाट परीक्षा लिने माध्यमबारे अध्ययन भइरहेको भए पनि अझै कुन माध्यमबाट परीक्षा हुन्छ भनेर निष्कर्षमा नपुगेको कोरियाले जनाएको छ ।

भाषा परीक्षामा हुने अमर्यादित क्रियाकलापलाई रोक्न औंठा छाप लिने व्यवस्थाको सुरुवात र कम्पुटरबाट परीक्षा लिने ठाउँको निर्माण सकिएपछि मात्रै परीक्षाको मिति तोक्नेबारे नेपाल सरकारसँग सल्लाह भइसकेको छ ।

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्