दुबई : मध्यरातमा नेपाली र बंगलादेशी कामदारको झडप, नेपाली कामदार घाइते

 वैशाख ३१, २०७७ बुधबार ८:४७:१६ | उमाकान्त पाण्डे
unn.prixa.net

यूएई - संयुक्त अरब एमिरेट्स यूएईको दुबईमा कामदारहरुबीच झडप भएको छ ।

नेपाल फर्कन विमानस्थल पुगेका र फर्कन नपाएर दुबईमै अड्किएका नेपाली कामदार आक्रोशमा आएर झडपमा उत्रिएका हुन् ।

दुबईको जबिलआलीमा रहेको फ्लेक्स म्यानेजमेन्ट कम्पनीमा रहेका नेपाली तथा बंगलादेशी कामदारबीच झडप भएको हो । झडपमा केही नेपाली घाइते भएका छन । घाइतेमध्येका एक नेपालीको टाउको तथा शरीरमा चोट लागेको छ भने अन्य केही नेपालीको शरीरमा नीलडाम बसेको छ ।

नेपाल फर्किन नपाएको आक्रोशमा त्यस कम्पनीमा कामदारले पहिलेदेखिनै समस्या सिर्जना गर्दै आएको कम्पनीले जनाएको छ । कम्पनीले काम नहुँदा समस्यामा पर्ने भन्दै केही कामदारको भिसा रद्द गरेर नेपाल पठाउन विमानस्थल सम्म पठाएको थियो । तीनै कामदार नेपाल जान नपाउँदा थप आक्रोशिट हुने, डिप्रेसनमा जाने तथा जाँड रक्सी खाएर समस्या सिर्जना गर्दै आएको कम्पनीको भनाइ छ ।

दुई दिन पहिले जाँड रक्सी खाएर नेपाली कामदरको समूहले बंगलादेशी कामदारलाई हातपात गर्दै गेटपालेलाई कुटेका थिए । मंगलबार राति केही नेपाली युवाहरु कोठामै बसेर लुडो खेलिरहँदा होहल्ला गरेको भन्दै बंगलादेशी कामदारले नेपाली कामदारलाई कुटपिट गरेपछि झडप भएको हो ।

कुटपिटमा संलग्नलाई प्रहरीले नियन्त्रणमा लिएको छ भने पिटिएका नेपालीले उपचार गरिदिए बंगलादेशी कामदारलाई माफ दिन प्रहरीलाई अनुरोध गरेका छन् । क्याम्पमा रहेका अन्य केही नेपालीलाई बंगलादेशी कामदारले पाइपले कुटेकोले शरीरमा सुम्ला उठेको, नीलडाम बसेको पीडितहरुले बताएका छन् ।  

घटनाबारे जानकारी पाएलगत्तै एनआरएन यूएईका उपाध्यक्ष पासाङ शेर्पा र कोषाध्यक्ष विकास शाही मजदुर क्याम्पमा पुग्नुभएको थियो । उहाँहरुकै रोहबरमा नेपालीहरुलाई सम्झाइबुझाइ गरिएको थियो ।

दुबई प्रहरीले वर्तमान समयमा संयमित हुन भन्दै घटना दोहोरिए कडा कारबाही गर्ने चेतावनी दिएको छ । कामदारले कम्पनीका म्यानेजर सुपरभाइजरले कुटेको भने पनि मन्सुर नाम गरेका एक बंगलादेशी कामदारले कुटेको प्रहरीलाई उद्धृत गर्दै एनआरएन यूएईका उपाध्यक्ष शेर्पाले उज्यालोलाई जानकारी दिनुभयो ।    
 
झडप भएको मजदुर शिविरमा झन्डै ३ सय धेरै नेपाली कामदर बस्दै आएका छन् । त्यस कम्पनीमा समस्यामा परेका नेपालीलाई एनआरएन यूएई नेपाली समाज अन्तरगतका संघसस्थाहरुले राहत दिँदै आएका छन् ।

अन्तिम अपडेट: मंसिर १३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ। 

3 Comments

  • Ramprasad Poudyal

    May 13, 2020, 9:25 p.m.

    के गर्ने ? मल्हम पट्टि लगाउनु होला।मेरो देशको आशा नगर्नु।

  •  0 Reply

  • Ramkrishna poudel

    May 13, 2020, 3:27 p.m.

    अब पनि सरकारले नेपालीलाई नेपाल लगेन भने त्यो भन्दा पनि ठूलो घटना हुन सक्छ ...अझै केहि बिग्रेको छैन / शुरु गरिहालौं कि आफ्आना नागरिकलाई आफ्नो घर लाने काम , यदि लान नै नसक्ने हो भने नेपाल सरकारले टिकट लिएर एयरपोर्टवाट फर्केका र काम नभएका नागरिक धेरै छ यहाँ / न कम्पनी छ, न काम नै छ ..तलव कसले दिन्छ यतिका दिन बसेर कि घर पठाइदेउ कि जब नेपाल सरकारले लान्छु भन्छ त्यतिन्जेल काम मिलाइदेउ यहाँ /फोकटमा बसे वापतको केहि व्यवस्था होस् यहाँ ...न घर जान पाइन्छ...न काम पाइन्छ यहाँ ..तलव कसले दिन्छ / घरमा कमाउने मान्छे म यहाँ यसरी बिना काम वेतलवमा बस्नु परेको छ ..अनि तनाव हुन्न मान्छेलाई २/४ -१०/१५ दिन भन्दा भन्दा दुई महिना सकिन लाग्यो यसरी बसेको /

  •  0 Reply

  • प्रेम बहादुर पुन मगर

    May 13, 2020, 12:59 p.m.

    मिडिया भनेको सत्य तथ्य बुझेर मात्र न्युज बनाउने हो ....के फोटो हेर्दा झडप जस्तो लाग्छ र ??

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई