यूएईले सात मेट्रिक टन स्वास्थ्य सामग्री नेपाल पठायो

वैशाख १७, २०७७ बुधबार १८:८:४३ | उमाकान्त पाण्डे

यूएई – संयुक्त अरब एमिरेट्स यूएईले नेपाललाई सात मेट्रिक टन स्वास्थ्य सुरक्षा सामग्री सहयोग गरेको छ । सहयोग सामग्रीसहितको जहाज यूएईले बुधबार नेपाल पठाएको हो । सहयोग सामग्री कोरोना उपचारमा खटिएका ७ हजार चिकित्सकहरुलाई पुग्ने यूएईले जनाएको छ ।

यूएईले प्रदान गरेको स्वास्थ्य सुरक्षा सामग्री सहितको जहाज बुधबार नै नेपाल पुगेको यूएईका लागि नेपाली राजदुत कृष्णप्रसाद ढकालले उज्यालोलाई जानकारी दिनुभयो ।

नेपालका लागि यूएईका राजदूत सईद हमदान अल नकबीले अहिलेको महामारीको सामना गर्ने सबै देशहरूलाई सक्दो सहयोग गर्ने योजनाअनुरुप नेपाललाई सहयोग प्रदान गरिएको बताउनुभएको छ । सहयोगको माध्यमबाट एकजुट भए मात्रै संकटबाट बाहिर जान सकिने उहाँको भनाइ छ ।

यूएईले नेपालसहित ३२ देशमा ३ सय ३३ मेट्रिक टन मेडिकल सामग्री सहयोग गरिसकेको छ । त्यो सहायताले कोरोनाको लडाईंमा अग्रपंक्तिमा बसेर काम गर्ने ३ लाखभन्दा बढी चिकित्सकलाई सहयोग पुग्ने यूएईको अपेक्षा छ ।

यूएईले नेपाललाई देखाएको सद्भाव र सहयोगप्रति नेपाल सरकार तथा आबुधावीमा रहेको नेपाली दूतावासले धन्यवाद व्यक्त गरेको छ ।

सम्बन्धित समाचार

अप्रिल २९ : खाडी र मलेसियाकाे काेराेना अपडेट

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।