यूएईबाट रमेश भन्नुहुन्छ : अब दूतावासकै गेटमा सुत्छौं

 वैशाख १३, २०७७ शनिबार १७:२६:२६ | उज्यालो सहकर्मी

यूएई – कोरोनाको जोखिम बढेसँगै अहिले परदेशमा रहेका धेरै नेपालीका समस्या थपिएका छन् । कसैको भिसा सकिएको छ त कतिपय टिकट काटेर पनि घर फर्कन नपाउँदा परदेशमै समस्यामा परेका छन् । अझ म्यानपावरको झुट र कम्पनीको बदमासीले समस्यामा परेकालाई त झनै मार परेको छ । एकतिर कोरोनाको डर, अर्कातिर खान बस्नकै समस्या । ओशो म्यानपावरमार्फत यूएई पुगेका इलामका रमेश बुढाथोकी पनि यस्तै भुमरीमा पर्नुभएको छ । 

रमेशको भोगाई उहाँकै शब्दमा 

मेरो नाम रमेश बुढाथोकी हो । घर इलाम । अहिले यूएईको सारजहामा छु । वैदेशिक रोजगारीको क्रममा १६ वर्ष कतारमा बिताएर नेपालमै केही गर्छु भनेर व्यवसाय पनि थालेको मान्छे हुँ ।

तर नयाँ ठाउँ, नयाँ परिवेशमा म सफल हुन सकिनँ । उल्टो घाटा भयो । त्यही घाटाको परिपूर्ति गर्ने एउटा मात्र विकल्प भनेको वैदेशिक रोजगारी मात्र थियो । स्नातकसम्म पढेको छु ।

केही गर्न पनि खोजेको हुँ आफ्नै ठाउँमा । तर नेताको आफन्त या कार्यकर्ता परिएन । एक्लै लड्न सकिएन, व्यवसायमा घाटा लाग्यो । काठमाण्डौ  गएँ । म्यानपावरमा कुरा गरें । ओशो म्यानपावरले सारजहाको ट्याक्सी कम्पनी इमिरेट्स क्याबमा पठाइदियो । मसहित अरु झण्डै ६० जना आयौं, तर यहाँ पनि नेपालमा म्यानपावरले भनेजस्तो केही पनि भएन । 

नेपाल जाने भनेर केस गरियो । केस चल्दै गयो । आफ्नै रुम, आफ्नै खाना, कमाइ छैन । काम छोडेर केस गरेर बसेका हामी दिनानुदिन समस्यामा फस्दै गयौं । यहाँ दुःखमा फसेको पनि ७ महिना भयो । तर समस्या झन् झन् जटिल बन्दै गएको छ ।

दूतावास पनि गयौं पटक पटक । दूतावासको पहलले भिसा क्यान्सिल हुन सुरु भयो । हाम्रा १५ जना साथीको क्यान्सिल भयो । उहाँहरु नेपाल जानुभयो । दुर्भाग्य हाम्रो क्यान्सिल सँगसँगै नेपालको विमानस्थल पनि बन्द भयो । 

हामी ४० जना कोरोनाको चपेटामा परियो । एउटै रुममा खान बस्न, निकै समस्या छ । 

कहिले फलैँचा, कहिले पार्कमा सुत्दै रात काटियो । केही समयपछि एनआरएनएको सहयोगले बेडस्पेसमा बस्न थालियो । उहाँहरुले नै खानाको प्रबन्ध  गरिदिनुभएको छ । तर यहाँ रमदान सुरु भयो । हामी बस्ने रुम भारतीय र पाकिस्तानीहरुको सँगै पर्छ । १२ जनाको दरले अब यहाँ कोठाबाट पनि निकाल्दैछ ।

अब सरकारले कस्तालाई उद्धार गर्ने हो ? के मन्त्री नेताको आफन्तको लागि मात्र जहाज आउने हो कि हामी पनि नेपाली नै हो ? पर्सिदेखि हामी नेपाली दूतावासमा झोला लिएरै जाँदैछौं । बस्न दिन्छन् कि दिँदैनन् थाहा छैन । नदिए गेटमै सुत्नेछौं । हामी मृत्युको मुखमा छौं । हामीलाई बचाउ सरकार ।

सम्बन्धित समाचार

 

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Babikumar

    April 27, 2020, 3:11 p.m.

    दुबईमा भएका स्पीड क्लिनिंग कम्पनी पनि त्यही समस्या छ / नेपालको रेभा ओभरसिज म्यानपावरले झुठ बोलेर सबैलाई जम्मा गरेर थुप्र्याएको छ , यस्तो म्यानपावर कम्पनीलाई त सिज गरिदिनु पर्ने /

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई