बन्दाबन्दी वसन्त

वैशाख १३, २०७७ शनिबार १२:५१:४८ | नारायण पौडेल

यो वर्षको वसन्त आयो, जाँदैँछ रे
वास्तवमा वसन्त आउँदै आएन,
मान्छेको लागि आएन
केवल आफ्नै स्वभावमा आयो, जाँदैछ –
मान्छेहरु बन्दाबन्दीको जेल परिरहे ।

बन्द कोठासम्म आउँदा आउँदै
न्याउली र कोइलीको गीतहरु मधुर थिए
फूलहरुको सुगन्ध, चराहरुको चिरबिर आवाज,
पात र हावाको प्रेम, पालुवाको खुशी,
कोपिलाहरुको मुस्कान,
पाकेका ऐँसेलु र काफलहरु,
सुन्दर गुँडभित्रका बचेराहरु,
सब कल्पनाको सागरभित्र मात्र ।

शिशिरको चिसोमा टाक्सिएका बीउहरु
जमिन फोरेर निस्कने तरखर गर्दै होलान्
यो बेलामा किसानहरु खेतबारीमा हुनुपर्ने हो,
ब्याडहरु जमाउनु पर्ने हो,
अर्को एक वर्षको जोहो गर्ने बेला,
आश र सास रोप्ने बेला,
बन्दाबन्दीले घरभित्र बेहाल छन् ।

पातहरु पहेँलिने र झर्ने ऋतुहरु हेमन्त र शिशिर हुनुपर्ने
अनायास यसपाली वसन्त मै पातहरु
फ्याट्ट फ्याट्ट झरिरहेछन् हजारौंको संख्यामा !
यो त जीवन उम्रने ऋतु, आशा रोप्ने ऋतु
तर जीवनहरु झरिरहेछन् अनायास
र पनि रोपिएका आशाहरु अवश्य उम्रने छन्
छिटै उम्रने छन्, सुन्दर जीवन लिएर ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नारायण पौडेल

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्