उदयपुरमा काेराेना रिपाेर्ट 'पाेजेटिभ' देखिएपछि गाउँका सबैकाे परीक्षण गरिने

वैशाख ६, २०७७ शनिबार १७:३७:३४ | सुमित्रा कोइराला

उदयपुर - उदयपुरको त्रियुगा नगरपालिका ३ को मस्जिदमा रहेका १२ जनामा कोरोना भाइरस (काेभिड १९) रिपोर्ट पोजेटिभ देखिएपछि गाउँका सबै मानिसहरुको कोरोना परीक्षण गरिने भएको छ ।

यस गाउँमा रहेका झण्डै ५० घर मुस्लिम समुदायका मानिसहरुको कोरोना परीक्षण गरिने भएको हो । गाउँलेहरुको स्वाब सङ्कलन गर्न प्रदेश सरकारबाट स्वास्थ्यकर्मीको टोली हिँडिसकेको स्वास्थ्य कार्यालय प्रमुख मोहन सुवेदीले जानकारी दिनुभयो ।

मुस्लिम समुदायका सबैको स्वाब सङ्कलन गरिने र सङ्क्रमितसँग सम्पर्कमा आएका अन्य स्थानीयहरुको समेत स्वाब सङ्कलन गरिने सुवेदीले बताउनुभयो ।

सङ्क्रमित १२ जना र उनीहरुसँगै रहेका चार जना नेपालीलाई शुक्रबार साँझ नै उदयपुरबाट प्रदेश १ मा रहेको कोरोना विशेष अस्पतालमा पठाइएको प्रमुख जिल्ला अधिकारी दीपकप्रसाद पहाडीले बताउनुभयो ।

कोरोना भाइरसको सङ्क्रमण पुष्टि भएसँगै प्रहरीले अहिले गाउँलाई सुरक्षा घेराभित्र राखेको छ । भुल्के गाउँ प्रवेश र आवत जावतमा रोक लगाइएको छ भने नेपाल प्रहरी, सशस्त्र प्रहरी र नेपाली सेनाले गाउँलाई सुरक्षा घेराभित्र राखेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्