श्रमिकलाई कोरोनाको लक्षण देखिँदा स्वास्थ्य अधिकारीलाई खबर नगरे साउदीले रोजगारदातालाई कारबाही गर्ने

वैशाख ६, २०७७ शनिबार १५:२२:२३ | उज्यालो सहकर्मी

काठमाण्डौ – साउदीले स्वास्थ्य सम्बन्धी समस्या भएको जानकारी स्वास्थ्य अधिकारीलाई जानकारी नगराउने रोजगारदातालाई कडा कारबाही गर्ने भएको छ ।

साउदीको नगर तथा ग्रामीण मामिला सम्बन्धी मन्त्रालयले श्रमिकको आवास क्षेत्रका लागि नयाँ नियम ल्याउँदै रोजगारदाता वा आवास सुपरभाइजरले आवासमा रहेका श्रमिकमा कोरोना सम्बन्धी कुनै लक्षण देखिएमा अनिवार्य रुपमा स्वास्थ्य अधिकारीलाई जानकारी गराउनुपर्ने नियम ल्याएको हो ।

साथै आवास क्षेत्रमा खाना खाने क्षेत्रको अनिवार्य सरसफाई गर्नुपर्नेछ । आवास क्षेत्रमा यो नियम पालना नगरेमा पाँच हजारदेखि १० हजारसम्म साउदी रियाल जरिबाना हुनेछ ।

त्यसैले स्वास्थ्य सम्बन्धी समस्या भएमा आफ्नो सुपरभाइजरलाई अनिवार्य रुपमा जानकारी गराउन साउदीमा रहेको नेपाली दूतावासले अनुरोध गरेको छ । जानकारी गराउँदा पनि सुपरभाइजर वा रोजगारदाताले सहयोग र समन्वय नगरेमा, बेवास्ता गरेमा नजिकको प्रहरी कार्यालय, आफ्नो कफिल वा मानव संशाधन मन्त्रालयको सेवाग्राही नम्बर १९९११ वा नेपाली राजदूतावास रियाद वा जेद्दास्थित महावाणिज्यदूतावासमा सम्पर्क गर्न सकिन्छ ।

साउदीमा पछिल्लो समय खान बस्न समस्या भएको, कम्पनीले असुरक्षित वातावरणमा काम लगाएको र साथै घर फर्कने फारम भराएको भन्दै गुनासो बढेको दूतावासले जनाएको छ ।

अबदेखि यस्तो समस्या भएमा र आफ्नो गुनासो दूतावासमा राख्दा कम्पनीको नाम, काम गरेको समय, अहिले भइरहेको समस्या र उपलव्ध भएसम्म आफूसँगै समस्यामा पर्ने साथीको समेत विवरण उपलब्ध गराउन दूतावासले अनुरोध गरेको छ ।

सम्बन्धित समाचार

अप्रिल १८ : खाडी र मलेसियाकाे काेराेना अपडेट

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्