उदयपुरमा कोरोना सङ्क्रमित १२ जनाको आरडीटीमा कोरोना देखिएको थिएन

वैशाख ६, २०७७ शनिबार ६:१८:३५ | सुमित्रा कोइराला

उदयपुर - उदयपुरमा कोभिड-१९ को सङ्क्रमण देखिएका १२ जनाको र्‍यापिड डाइग्नोष्टिक टेष्ट आरडीटीमा कोरोना नभएको रिपोर्ट आएको पाइएको छ ।

त्रियुगा नगरपालिका वडा नं ३ भुल्केमा रहेको मस्जिदमा एक महिना अघि आइपुगेका १२ जना भारतीय र चारजना विराटनगरका सहित १६ जनाको र्‍यापिड टेस्ट गर्दा सबैको रिपोर्ट नेगेटिभ आएको प्रमुख जिल्ला अधिकारी दीपक पहाडीले जानकारी दिनुभयो ।

तर उनीहरु बाहिरबाट आएका भएकाले पीसीआर विधिबाट पनि परीक्षण गरिरार्खौँ भनेर परीक्षण गर्दा उनीहरुमध्ये १२ जनामा कोभिड १९ को सङ्क्रमण भएको रिपोर्ट आएको उहाँले बताउनुभयो ।

यसैबिच, कोभिड १९ देखिएका १२ जना र अरु चारजनासहित १६ जनालाई विराटनगर लगिएको छ । उनीहरुलाई चारवटा एम्बुलेन्समा राखेर गएराती विराटनगरको कोरोना विशेष अस्पतालमा लगिएको जिल्ला प्रहरी कार्यालय उदयपुरले जानकारी दिएको छ ।

मस्जिदमा भारतीय नागरिक लुकेर बसेको जानकारी पाएपछी मस्जिदलाई उच्च निगरानिमा राखि १६ जनाको स्वाव परिक्षण गरेको जिल्ला प्रहरी कार्यालयका प्रहरी उपरिक्षक वीरबहादुर मगरले जानकारी दिनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमित्रा कोइराला

सुमित्रा कोइराला उदयपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्