नगद र गहना लुट्न महिलाको हत्या गर्ने दुर्इजना प्रहरी हिरासतमा

साउन ९, २०७५ बुधबार २०:४:२४ | कपिल कोइराला

काभ्रे – काभ्रेको पनौती नगरपालिका–७, कि तीलकुमारी देउजाको हत्या गरी नगद तथा गहना लुट्नेहरुलाई प्रहरीले पक्राउ गरी सार्वजनिक गरेको छ ।

गएको असार २० गते राति देउजाको हत्या गरी नगद र गहना लुट्ने रामेछाप खाडादेवी गाउँपालिका वडा नम्बर ७ बस्ने राजबहादुर थामी र सिन्धुपाल्चोक सुनखानी–७, का सन्तोष थामीलाई २१ दिनपछि पक्राउ गरी जिल्ला प्रहरी कार्यालय काभ्रेले सार्वजनिक गरेको हो । देउजा पनौतीमा भट्टी सञ्चालन गरेर बस्ने गरेको प्रहरीले जनाएको छ । राजबहादुर थामी भने ज्यामीको काम गर्ने र देउजाकै घरमा कोठा भाडामा लिएर बस्ने गरेका थिए ।

प्रहरीका अनुसार घटनाको दिन दुवै जना थामीले देउजासँगै बसेर भट्टीमा रक्सी खाएका थिए । केही समयपछि देउजा सुत्न गइन् । राजबहादुर र सन्तोषले पुनः रक्सी खाँदै देउजालाई हत्या गरेर नगद तथा सुनका गहना लुट्ने योजना बनाएको स्वीकार गरेका छन् ।

जिल्ला प्रहरी कार्यालय काभ्रेका प्रमुख तथा एसपी रविराज खड्काले राजबहादुर र सन्तोषले देउजाको हत्या गरेको पुष्टि गर्नुभयो । हत्या गरेर भाग्दै गरेका राजबहादुर र सन्तोष देउजाकै घरमा भएको मोटरसाइकल लिएर भागेका थिए ।

भाग्दै गरेको अवस्थामा नियमित चेकिङको क्रममा साँगा चौकीले राजबहादुरलाई पक्रन सफल भए पनि सन्तोष भने फरार थिए । सन्तोषलाई पनि महानगरिय वृत बालाजुले पक्राउ गरेपछि बुधबार प्रहरीले पत्रकार सम्मेलन नै गरेर उनीहरुलाई सार्वजनिक गरेको थियो ।

इलाका प्रहरी कार्यालय बनेपा अन्र्तगत मुद्धा चलाइएका दुवैलाई कर्तव्य ज्यान सम्बन्धी मुद्धा लगाएको इलाका प्रहरी कार्यालय बनेपाका प्रमुख एवं प्रहरी निरीक्षक सुनिलजंग शाहले जानकारी दिनुभयो ।

प्रहरीले राजबहादुर र सन्तोषसहित सुनका गहना, नगद तथा पुराना २ केजी सिक्का पनि सार्वजनिक गरेको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

कपिल कोइराला

काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्