म सरकारी नियम अनुसार मलेसिया जान चाहन्छु, तर कसले पठाउँछ ?

 मंसिर १८, २०७६ बुधबार १३:१२:३७ | मेरो कथा मेरो भोगाई

सुरेश कुस्मी, कैलाली ।

म तीन वर्ष ६ महिना मलेसिया बसेर फर्किंएको हुँ । अहिले एक वर्ष मात्र भयो । र फेरि पनि मलेसिया जान चाहन्छु । तर सरकारको नियम अनुसार । सरकारले शून्य लागतमा नेपाली श्रमिक जान पाउने गरी गरेको समझदारी अनुसार नै कुन म्यानपावरले पठाउँछ, त्यो चाहिँ अहिलेसम्म भेटेको छैन ।

पहिले जाँदा अहिलेको जस्तो व्यवस्था थिएन । एजेण्टमार्फत डेढलाख रुपैयाँ बुझाएर गएको थिएँ । तर अहिले त मलेसिया जाने श्रमिकले एक रुपैयाँ पनि तिर्न नपर्नेगरी सरकारले मलेसियासँग श्रम समझदारी गरेको छ । तर पनि म्यानपावरले पैसा मागिरहेकै छन् ।

मलेसियाको रोजगारी खुलेपछि म काठमाण्डौमा दर्जनभन्दा बढी म्यानपावर धाएँ । कामको बारेमा बुझ्न । तर कुरा पैसामा आएर अड्किन्छ । सबैले यति लाग्छ भन्छन् । मैले मलेसिया जान त एक रुपैयाँ पनि तिर्न पर्दैन हैन र भन्दा जहाँसुकै गएर बुझ्नुस् भन्छन् ।

हुन पनि हो रहेछ सबैले एउटै रेट भन्छन् । मलाई एउटा म्यानपावरले सुरुमै ४० हजार रुपैयाँ माग्यो । ४० हजार रुपैयाँ बुझाएपछि प्रक्रिया थाल्ने र भिसा आएपछि बाँकी रकम बुझाउनुपर्ने उनीहरुको माग छ । तर म पैसा तिर्ने पक्षमा छैन ।

म जतिको मान्छेले सरकारको नियम विपरित जान हुँदैन भन्ने लाग्छ मलाई । तर मैले नियम मानेर नहुने रहेछ, पठाउने म्यानपावर कम्पनीले नपठाएपछि । सरकारले शून्य लागत भनेर सम्झौता त गरिदियो तर हामीलाई अप्ठ्यारो भयो ।

न म्यानपावरले पैसा नलिइ पठाउँछन्, न हामी पैसा तिरेर जान सक्छौं । त्यसैले यदि सरकारले साँच्चै नियम लागू गर्ने हो भने कुन म्यानपावरले मलेसियाको डिमाण्ड ल्याएको छ । कसरी पठाइरहेको छ भनेर अनुगमन गर्न पर्छ ।

नत्र बाहिर देखाउने एउटा र गर्ने अर्को कुरा हुन्छ । आखिर ठगीमा पर्ने त हामी नै हो । म्यानपावरले पनि सरकारले लागू गरेको नियम मान्नुपर्छ भन्ने लाग्छ । सुरुवात मबाटै गर्न चाहन्छु । म सरकारको नियम विपरित जाँदिन र आफैं मेरो कम्पनीले फ्री भिसा, फ्री टिकट पठाएको छ कि छैन बुझ्छु ।

म्यानपावरसँग कुरा गर्छु र पनि पैसा माग्यो भने वैदेशिक रोजगार विभागमा उजुरी दिन्छु । तपाईँलाई पनि मलेसिया पठाइदिन्छु भन्दै पैसा मागेको भए, नदिनुस्, बुझ्नुस् र ठगी गर्न खोजे उजुरी दिनुहोस् ।

अन्तिम अपडेट: मंसिर १३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • db lama

    Dec. 14, 2019, 6:02 p.m.

    zero paisa pay zero nepali going to malaysia.

  •  0 Reply

  • shankar Adhikari

    Dec. 4, 2019, 4:35 p.m.

    म पनि यस्तै मेनपावर को खोजिमा हो लौ न सरकार कि त्यस्तो मेनपावर तोकिदिनु पर्यो हैन भने झुक्काउने काम बन्द गर्नु पर्यो .

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई