१३ औँ सागमा नेपालको झण्डा भारत्तोलनका खेलाडी कमलले बोक्ने

मंसिर १४, २०७६ शनिबार १३:२०:४० | उज्यालो सहकर्मी

काठमाण्डौ – नेपालमा हुने १३ औँ दक्षिण एसियाली खेलकुद (साग) मा उद्घाटन समारोहको मार्चपासमा नेपालको झण्डा भारत्तोलनका कमलबहादुर अधिकारीले बोक्ने निश्चित भएको छ ।

यसअघि साग उद्घाटनको मार्चपासमा नेपालको झण्डा बोक्न राष्ट्रिय क्रिकेट टिमका पूर्व कप्तान पारस खड्काको नाम आए पनि अन्तिम समयमा नेपाल ओलम्पिक कमिटीले कमलको नाम फाइनल गरेको हो ।

राष्ट्रिय खेलकुद परिषद् (राखेप) ले भने पारसको नाम पारित गर्न सिफारिस गरेको थियो । तर सबै मापदण्ड हेर्दा कमल नै उचित रहेको भन्दै ओलम्पिक कमिटीले दुई दिनको छलफलपछि फाइनल गरेको हो ।

यसका लागि उमेरसँगै जितेको पदक अन्तर्राष्ट्रिय प्रतियोगिताको सहभागिता कति छ भनेर हेरिएको थियो, जसमा कमल फिट भएका थिए ।

राष्ट्रिय खेलकुद परिषद्ले भने पारसलाई यो मौका दिनुपर्छ भनेर अडान राखेको थियो । तर अन्तिममा सदस्य सचिव रमेश सिलवालको अडानले काम गरेन ।

कमलले नेपालको तर्फबाट भारत्तोलनमा स्वर्ण जित्नुका साथै ओलम्पिक पनि खेलिसकेका छन् । उमेरका हिसाबले पनि उनी सिनियर रहेकाले उनले बोक्ने भएका हुन् ।

ओलम्पिक कमिटीले कमलको करियर अन्तिम चरणमा रहेको र उनलाइै सम्मान दिएजस्तो पनि हुने भएकाले सागको उद्घाटनमा नेपालको झण्डा उनले नै बोक्ने तय गरेको हो ।

यता उद्घाटन समारोहमा ओलम्पिक टर्चलाई अन्तिममा दीपक विष्टले बोक्ने भएका छन् । रंगशालामा ओलम्पिक टर्च पुगे पनि फाइनल चरणमा विष्टले टर्च बोक्नेछन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्