यस वर्षकाे किम्फमा २९ देशका ४८ चलचित्र

असोज १५, २०७६ बुधबार १९:३९:७ | उज्यालो सहकर्मी

काठमाण्डाै - हिमाल एसोसियशनले आयाेजना गर्दै आएकाे काठमाण्डौ अन्तर्राष्ट्रिय पर्वतीय चलचित्र महोत्सव ‘किम्फ’ आउँदाे डिसेम्बर ११ देखि १५ सम्म राष्ट्रिय सभा गृह तथा नेपाल पर्यटन बोर्डको हलमा आयाेजना हुँदैछ ।

१७ औँ संस्करणको किम्फमा नेपालका ४५ सहित ६९ देशका ४२३ ओटा चलचित्रहरुकाे आवेदन परेका थिए । महोत्सवका लागि छनौट समितिले ६९ मध्ये २९ देशका ४८ चलचित्रहरु छनोट गरेको थियो । तीमध्ये १७ चलचित्र प्रतिस्पर्धाका लागि छानिएका हुन् भने बाँकी ३१ चलचित्रहरु अप्रतियोगीका रुपमा छनोट भएका हुन् ।

‘नेपाल पानोरमा’ शीर्षकमा छनोट भएका चलचित्रहरु पछि घोषणा गरिने जनाइएको छ ।

प्रतियाेगितामा उत्कृष्ट पहिलो, दोस्रो र तेस्रो हुने चलचित्रले क्रमश: दुई लाख, एक लाख पचास हजार र एक लाख रुपैयाँ प्रदान गरिनेछ । यस वर्षको किम्फको थिम ‘भोइसेज फ्रम दि मार्जिन’ रहेको छ । महोत्सवमा चलचित्र प्रदर्शनबाहेक फोटो प्रदर्शनी, प्यानल डिस्कसन तथा मास्टर क्लास पनि आयाेजना गरिनेछ ।

युवा तथा उदीयमान चलचित्र निर्माताहरुलाइ प्रोत्साहन गर्न परिवर्तित नेपाल थिमको छोटो चलचित्र प्रतियोगिता पनि गरिनेछ । तीन उत्कृष्ट छोटो चलचित्रले क्रमश: चालीस हजार, तीस हजार तथा बीस हजार रुपैयाँ प्राप्त गर्नेछन् ।

महाेत्सवकाे तीन सदस्यीय अन्तर्राष्ट्रिय मण्डलमा पोल्याण्ड, कोरिया र नेपालका निर्णायकहरु रहेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यस वर्षकाे किम्फमा २९ देशका ४८ चलचित्र

फाइल फाेटाे

तपाईको प्रतिक्रिया