हतियारसहित पक्राउ परेका विप्लव नेतृत्वकाे नेकपाका भोजपुर सेक्रेटरी सार्वजनिक

असोज ६, २०७६ सोमबार २०:१५:३४ | बुद्ध तामाङ

भोजपुर – जिल्ला प्रहरी कार्यालय भोजपुरले हतियारसहित पक्राउ परेका नेत्र विक्रम चन्द ‘विप्लव’ नेतृत्वको नेकपाका जिल्ला सेक्रेटरी बम विष्टलाई सार्वजनिक गरेको छ । प्रहरीले सोमबार पत्रकार सम्मेलन गरेर विष्टलाई सार्वजनिक गरेको हो ।

विष्टलाई आइतबार दिउँसो भोजपुर नगरपालिका–१०, भैसीपंखाको गजुरमुखी भिर नजिकको जंगलबाट हतियारसहित पक्राउ गरिएको थियो । विष्टको साथबाट ६ राउण्ड र चार राउण्ड गोली भरिएको इटालियन स्वचालित पेस्तोल दुई थान, ह्याण्ड ग्रिनेड एक थान बरामद भएको छ ।

त्यस्तै १२ वटा सिमकार्डसहित दुई वटा मोबाइल, चन्दाको माग गर्दै लेखिएका पत्र र पार्टीका पर्चाहरु पनि प्रहरीले फेला पारेको जिल्ला प्रहरी कार्यालय भोजपुरका प्रहरी नायब उपरीक्षक(डीएसपी) नरबहादुर सलामी मगरले जानकारी दिनुभयो ।

पछिल्लो समय नगर क्षेत्रमा चन्दा आतंक गर्ने तथा आपराधिक घटना घटाउने योजनाअनुसार प्रतिबन्धित विप्लव समूहका कार्यकर्ताहरु हातहतियारसहित घुमफिर गरी रहेका छन् भन्ने विशेष सूचना प्रहरीले पाएको थियो । त्यही सूचनाका आधारमा जिल्ला प्रहरी कार्यालयबाट खटिएको टोलीले भैसीपंखामा रहेको अँधेरी खोला नजिकै चेक गर्ने क्रममा विष्टलाई शंकास्पद अवस्थामा नियन्त्रणमा लिएको डीएसपी मगरले बताउनुभयो ।

पक्राउ परेका विष्टलाई जिल्ला अदालत भोजपुरबाट आइतबारबाट लागु हुने गरी हातहतियार खरखजना तथा विस्फोटक पदार्थसम्बन्धी कसूरमा मुद्दा दर्ता गरी थप अनुसन्धान सुरु गरिएको प्रहरीको भनाइ छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्