चन्द्रयान–२ को ल्याण्डर विक्रमसँगको सम्पर्कको आशा लगभग समाप्त, अबकाे याेजना ‘गगनयान’

असोज ४, २०७६ शनिबार १५:३६:५४ | एजेन्सी

भारतको मिसन चन्द्रयान–२ को ल्याण्डर विक्रमसँगको सम्पर्कको आशा लगभग समाप्त भएको बताइएको छ ।

चन्द्रयान–२ को ल्याण्डर विक्रमसँगको सम्पर्कको सबै सम्भावना अब लगभग सकिएको छ, किनकि ल्याण्डर विक्रम १४ दिनसम्म काम गर्न सक्थ्यो । अर्थात् ल्याडरको जीवन १४ दिनको थियो । गएको ७ सेप्टेम्बर राति झण्डै डेढ बजे चन्द्रयान–२ विक्रम ल्याण्डरमा ‘सफ्ट ल्याण्डिंग’ हुनुपर्ने थियो तर त्यो हुन सकेन ।

यद्यपि भारतीय अन्तरिक्ष अनुसन्धान संगठन (इसरो) ले यो बीचमा ल्याण्डरसँग दोस्रो पटक सम्पर्क गर्न कोसिस गरिरहेको बताउँदै आएको थियो । तर यो काम भने निकै मुश्किल थियो ।

जुन समय विक्रम ल्याण्डर चन्द्रमाको सतहमा पुग्न झण्डै २ दशमलव १ किलोमिटर वर नै ग्राउण्ड स्टेशनसँग सम्पर्क टुटेको थियो ।

इसरो प्रमुख के सिवनले भने चन्द्रयान–२ को मून मिसन ९८ प्रतिशत सफल भएको बताएका छन् । ‘चन्द्रयान–२ को कक्षले राम्रो काम गरिरहेको छ । चन्द्रयान–२ को कक्षमा रहेका आठ ओटै उपकरणले हामीले जे चाहेका थियौँ, त्यो गरिरहेको छ । यो मिसन ९८ प्रतिशत सफल भएको छ । हाम्रो अघिल्लो प्राथमिकता गगनयान हो’, उनले भने ।

यदि भारतले यो उपलब्धि हासिल गर्न सकेको भए रुस, अमेरिका र चीनपछि ऊ चन्द्रमामा आफ्नो अन्तरिक्ष यान पठाउने चौथो राष्ट्र बन्ने थियो ।

— ANI (@ANI) September 21, 2019

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्