३ दिनदेखि प्रसव पीडामा रहेकी रामदेवीको हेलिकप्टरबाट उद्धार

भदौ ३१, २०७६ मंगलबार १९:१७:४१ | डीबी बिष्ट

बझाङ – तीन दिनदेखि प्रसव पीडामा रहेकी साईपाल गााउँपालिका–१ की रामदेवी बोहराको हेलिकप्टरमार्फत उद्धार गरिएको छ ।

गएको आइतबारदेखि सुत्केरी हुन नसक्दा उहाँको पेटमा भएको शिशु भने मृत अवस्थामा जन्मिएको छ । समयमा नै उपचार नपाएका कारण उहाँको गर्भमा भएको शिशु मृत अवस्थामा जन्मिएको उपचारमा संलग्न स्वाथ्यकर्मीहरुले बताएका छन् ।

बझाङकै दुर्गम, सडक सञ्जालसमेत नजोडिएको साईपाल गाँउपालिका–१ की २२ वर्षीया रामदेवी बोहरा तीन दिनदेखि सुत्केरी हुन नसकेपछि थप उपचारका लागि हेलिकप्टरमार्फत् जिल्ला अस्पताल बझाङ ल्याइएको जिल्ला अस्पतालका कार्यालय प्रमुख डा. सन्दीप ओखेडाले बताउनुभयो ।

आइतबार सुत्केरी व्यथा लागेर नजिकै रहेको सामुदायिक स्वास्थ्य इकाइ केन्द्रमा पुग्नुभएकी बोहराले समयमा नै उपचार नपाउँदा गर्भमा रहेको शिशु मृत अवस्थामा जन्मिएको हो ।

स्वास्थ्य इकाइ केन्द्रले दुई दिनअघि नै जिल्ला अस्पताल लैजानका लागि रिफर गरेको भए पनि साईपाल गाँउपालिकाबाट ४/५ दिनको पैदल यात्रापछि मात्रै सदरमुकाम पुगिने भएका कारण समस्या आएको स्थानीय वसन्तबहादुर बोहराले भन्नुभयो ।

लामो र अप्ठ्यारो बाटो भएका कारण आमा र गर्भमा रहेको बच्चा दुवैको ज्यान खतरामा पर्ने भएका कारण उहाँलाई पैदलमार्फत सदरमुकाम लैजान नसकिएको बताइएकाे छ ।

मंगलबार शिशु र आमाको ज्यान नै जोखिम रहेको जानकारी पाएपछि तत्कालै नेपाली सेनाको हेलिकप्टरमार्फत उद्धार गरिएको साईपाल गाँउपालिका अध्यक्ष राजेन्द्र धामीले बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्