घरैमा बसेर बालबच्चा हुर्काउँदै, व्यापार गर्दै (भिडियाे कथा)

असार २९, २०७५ शुक्रबार १६:४५:२८ | सन्जिता देवकोटा

सुनसरी– व्यापार गर्ने भनेपछि मानिसहरु बजार, चोक अथवा चहलपहल धेरै हुने ठाउँ नै रोज्छन् । तर सुनसरीको दुहवीका राधा भुजेल र बिनिता माझीले व्यापार गर्ने ठाउँ आफ्नै आँगन रोजे । घरको काम पनि भ्याइने, बालबच्चाको पनि रेखदेख हुने । र, व्यापार गर्न पनि सजिलो ।

पैसा कमाउने बाटो देखेपछि आफ्नै आँगनमा राधा र बिनिताले व्यवसाय सुरु गरेका हुन । राधा र बिनिता सानैदेखिका मिल्ने साथी हुन् । उनीहरु दुवैका श्रीमान् विदेशमा छन् । बिनिता श्रीमान् कतार बस्न थालेको लामो समय भइसक्यो ।

बिनिताको श्रीमान् पनि पोहोर सालको चैतमा मलेसिया लागे । श्रीमान् विदेशबाट पैसा पठाउँथे । उनीहरु चाहिँ बालबच्चाको हेरचाह गर्थे । बालबच्चा हुर्काउँदै आम्दानीको मेलो पनि समात्न सकिन्छ भन्ने उनीहरुले सोचेकै थिएनन् ।

जब वित्तीय शिक्षाले उनीहरुलाई आम्दानीको बाटो सिकायो, तब राधा र बिनिताले बालबच्चासँगै व्यवसायलाई पनि हुर्काउन थाले । थोरै लगानीबाट आम्दानी सुरु भएको उनीहरुको आलुचपको व्यापार दिनहुँ बढिरहेको छ ।

व्यापारसँगै छोराछोरी पनि बढिरहेका छन् । अनि बचत पनि बढिरहेको छ । आफैले व्यवसाय गर्न थालेदेखि उनीहरु आफ्नो खर्च पनि आफैं जुटाउन सक्ने भएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्जिता देवकोटा

उज्यालोमा कार्यरत सन्जिता देवकोटा वैदेशिक रोजगार र नेपाली महिलाका बिषयमा कलम चलाउनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्