चन्द्रयान-२ को ल्याण्डर विक्रमसँग सम्पर्कको आशा सकिएको छैन, १४ दिनसम्म प्रयास गर्छाैँ : इसरो प्रमुख सिवन

भदौ २२, २०७६ आइतबार १०:३९:२५ | एजेन्सी

भारतीय अन्तरिक्ष अनुसन्धान संगठन (इसरो) प्रमुख डाक्टर कैलासावडिवू सिवनले चन्द्रयान-२ को ल्याण्डर विक्रमसँगको सम्पर्कको आश अझै समाप्त नभएको बताएका छन् ।

डा. सिवनका अनुसार वैज्ञानिकहरु अझै पनि विक्रमसँग सम्पर्क जोड्ने कोसिस गरिरहेका छन्, जसको जीवन पृथ्वीको १४ दिनको बराबर छ ।

डा. सिवनले सञ्चारमाध्यमसँग भने, ‘हामी चन्द्रायान-२ को विक्रमसँग सम्पर्क जोड्ने कोसिस गरिरहेका छौँ । हामी बाँकी १४ दिनसम्म कोसिस जारी राख्नेछौँ ।’

यो पनि पढ्नुहोस्

चन्द्रयानसँग सम्पर्क विच्छेद भएपछि मोदीले भने : विज्ञानमा विफलता हुँदैन, केवल प्रयोग र प्रयास हुन्छ

इसरोको महत्वाकांक्षी योजना चन्द्रायान-२ लाई विक्रम ल्याण्डरको माध्यमद्वारा चन्द्रामको सतहमा सफ्ट ल्याण्ड गराउनु थियो तर सबै योजना अनुरुप हुन पाएन । शनिबार बिहान ल्याण्डर विक्रमको अन्तिम समयमा ग्राउण्ड स्टेशनसँग सम्पर्क टुटेको थियो ।

डा. सिवनका अनुसार चन्द्रायान-२ को सफ्ट ल्याण्डिंगका लागि चार ओटा अहम चरण थिए । चन्द्रायान-२ ले तीन ओटा चरण सफलतापूर्वक पार गरेको थियो तर अन्तिम चरणको सबैभन्दा महत्वपूर्ण मानिएको अर्थात ल्याण्डर विक्रमको ग्राउण्ड स्टेशनसँगको सम्पर्क टुट्यो ।

यो पनि पढ्नुहोस्

चन्द्रयान-२ काे विक्रम ल्याण्डरसँग सम्पर्क विच्छेद, मोदीले भने : हिम्मत नहार्नुहोस्

चन्द्रमाको दक्षिणी ध्रुवमा यान पठाउने भारत पहिलो देश हो । अहिलेसम्म चन्द्रमाको भूमध्य रेखाको आसपास नै यानहरु पठाइएको थियो । यदि यो मिसनमा सफल भए अमेरिका, रुस र चीन पछि भारत चन्द्रमामा अन्तरिक्ष यान पठाउने चौथो देश बन्नेछ ।

यदि भारतको प्रज्ञान रोभरमा जडान गरिएको सेन्सरबाट चन्द्रमाको दक्षिणी ध्रुवमा रहेका ठूला–ठूला खाल्डामा पानी रहेको प्रमाण भेटिएमा यो अन्तरिक्ष अनुसन्धानमा ठूलो फड्को हुने थियो । चन्द्रयान–२ को मिसन सफल भएमा अमेरिकी अन्तरिक्ष एजेन्सी (नासा) ले २०२४ पठाउँदै गरेको एक महत्वाकांक्षी मिसनलाई पनि सहयोग पुग्ने बताइन्छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्