नगरप्रमुखलाई 'टुरिस्ट मेयर' काे संज्ञा दिँदै कांग्रेस कार्यकर्ताले गरे नाराबाजी

साउन १९, २०७६ आइतबार १८:५:२१ | हेमराज शर्मा

दाङ – तुलसीपुर उपमहानगरपालिकाका नगरप्रमुख घनश्याम पाण्डेलाई नेपाली कांग्रेसका कार्यकर्ताले 'टुरिस्ट मेयर' को संज्ञा दिँदै नाराबाजी गरेका छन् ।

उपमहानगरको गतिविधिभन्दा बढी समय विदेश र राजधानी केन्द्रित भएको आरोप लगाउँदै नेपाली कांग्रेस तुलसीपुर नगर कमिटिको आयोजनामा विरोध र्‍याली निकाल्दै नगरप्रमुखयरविरुद्ध मुर्दावादको नारा लगाइएको हो ।

अहिले नगरप्रमुख भारत भ्रमणमा हुनुहुन्छ । रामदेव बाबालाई भेट्न दलबलसहित नगरप्रमुख भारतमा सयर गरिरहेको र नगरको पैसा फजुलमा खर्च भएको आरोपसमेत कांग्रेस कार्यकर्ताहरुले लगाएका छन् ।

नगरपालिकाभित्र नै नगरप्रमुखविरुद्ध मुर्दावादको नारा लागेपछि अवस्थालाई साम्य पार्न धौधौ भएको थियो । 'टुरिस्ट मेयर मुर्दावाद, उपमहानगरभित्र सुशासन कायम गर, विदेश सयर हैन नगरको विकासमा ध्यान देऊ' भन्दै कांग्रेस कार्यकर्ताले बजार परिक्रमा गर्दै उपमहानगरको कार्यालयमा पुगेर नाराबाजी गरेका थिए । पूर्व सांसद गेहेन्द्र गिरीको अगुवाइमा विरोध कार्यक्रम भएको हो ।

सरकारले सुशासन प्रवर्द्धन गर्न नसकेको हुनाले तुलसीपुरमा प्रर्दशन गरेको नेपाली कांग्रेसले बताएको छ । दुई तिहाइ सरकारले जनताको ढाड सेकेको आरोप पनि कांग्रेसले लगाएको छ । दिनदहाडै सडकमा नागरिकहरुमाथि खुकुरी प्रहारको अवस्था आउँदासमेत नगर सरकारले शान्ति सुरक्षा दिन नसकेको आरोप कांग्रेसले लगाएको छ ।

नेपाली कांग्रेस तुलसीपुर नगरकमिटिको आयोजनामा गरिएको प्रर्दशनले बजारका विभिन्न टोलको परिक्रमापछि तुलसीपुर उपमहानगरपालिकामा ज्ञापनपत्र बुझाएको छ ।

कांग्रेसले नगर उपप्रमुख माया आचार्यलाई विभिन्न मागसहितको १२ बुँदे ज्ञापनपत्र बुझाएको हो । ज्ञापनपत्र बुझ्दै उप प्रमुख माया आचार्यले मागहरु गम्भीर भएर हेर्ने बताउनु भयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्