आईसीसी विश्वकप क्रिकेटः भारतविरुद्ध श्रीलंका टस जितेर ब्याटिङ गर्दै

असार २१, २०७६ शनिबार १५:८:५६ | उज्यालो सहकर्मी

आईसीसी विश्वकप क्रिकेट अन्तर्गत लिग चरणकाे ४४ औँ खेलमा भारत र श्रीलंका प्रतिस्पर्धा गर्दैछन् । लिड्सको हेडिङले मैदानमा हुने खेलमा श्रीलंकाले भारतविरुद्ध टस जित्दै पहिला ब्याटिङ रोजेको छ ।

भारत यो खेल जित्दै अंकतालिकाकाे शीर्षस्थानमा पुग्ने सम्भावना कायम राख्न चाहन्छ भने सेमिफाइनल यात्राबाट बाहिरिइसकेको श्रीलंका अन्तिम खेलमा जित निकाल्दै घर फर्किन चाहन्छ ।

भारत १३ अंकका साथ दोस्रो स्थनमा रहेकाले आज विजयी भए १५ अंक पुग्ने छ । उता अस्ट्रेलिया र दक्षिण अफ्रिकाबीचको खेलमा अस्ट्रेलिया विजयी भए भारत दोस्रो स्थानमै यथावत हुने छ ।

यस्तो भएमा सेमिफाइनलमा शीर्ष स्थानको अष्ट्रेलियाले चौथो स्थानको न्यूजिल्याण्डसँग प्रतिपर्धा गर्दा दोस्रो स्थानको भारतले तेस्रो स्थानको इंग्ल्याण्डसँग खेल्नुपर्ने छ ।

यी दुई टोली अहिलेसम्म विश्वकपमा आठ पटक आमनेसामने भएका छन् । जसमा ४ पटक श्रीलंकाले जित्दा भारतले ३ पटक जितेको छ । बाँकी एक खेल भने बराबरीमा रोकिएको छ ।

आजको खेलमा भारतले दुई खेलाडी परिवर्तन गरेको छ । युजवेन्द्र चाहल र मोहम्मद शामीलाई आराम दिँदा उनीहरुको स्थानमा कुलदीप यादव र रवीन्द्र जडेजाले खेल्नेछन् ।

श्रीलंकाले भने एकमात्र खेलाडीमा परिवर्तन गरेको छ । उसले जेफ्रे भण्डरसेको स्थानमा थिसारा परेरालाई खेलाएको छ ।

त्यस्तै शनिबार हुने अर्काे खेलमा अष्ट्रेलिया र दक्षिण अफ्रिका प्रतिस्पर्धा गर्दैछन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्