सचिन तेन्दुलकरका छोरा अर्जुन विश्वकपमा इंग्ल्याण्ड टिमलाई सघाउँदै

असार १०, २०७६ मंगलबार १४:१:२१ | उज्यालो सहकर्मी

भारतीय महान क्रिकेटर सचिन तेन्दुुलरका छोरा अर्जुन तेन्दुलकर पनि राम्रा क्रिकेटर हुन् ।

युवा क्रिकेटरको रुपमा आफूलाई चिनाएका अर्जुन अहिले इंग्ल्याण्डमा छन् । उनी भारतीय टिमसँग गएका नभै इंग्ल्याण्डलाई सघाउन त्यहाँ पुगेका हुन् । उनले जारी विश्वकपअन्तर्गत इंग्ल्याण्डले अस्ट्रेलियाविरुद्ध मंगलबार हुने प्रतिस्पर्धाका लागि इंग्ल्याण्डका ब्याट्सम्यानलाई अभ्यास सत्रमा सघाएका थिए ।

नेट अभ्यासका क्रममा उनले इंग्लिस ब्याट्सम्यानलाई बलिङ गरेका थिए ।

उनले इंग्ल्याण्डका स्पिन बलिङ प्रशिक्षक सकलेन मुस्ताकको प्रशिक्षणमा इंग्ल्याण्डका लागि बलिङ गरेका हुन् । अर्जुन तेन्दुलकरले इंग्ल्याण्डका लागि बलिङ गरेको याे पहिलो पटक भने होइन । १५ वर्षको उमेरमै २०१५ मा इंग्ल्याण्डका नेट बलरको रुपमा उनले बलिङ गरेका थिए । त्यतिबेला इंग्ल्याण्डले अस्ट्रेलियाविरुद्ध एशेज सिरिज खेलेको थियो ।

१९ वर्षीय अर्जुन अहिले इंग्ल्याण्डमा काउन्टी क्रिकेट खेलिरहेका छन् । अर्जुन तेन्दुलकर बायाँ हाते बलर र बायाँ हाते ब्याट्सम्यान पनि हुन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्