नेपाली डाक्टर र नर्सलाई रोजगारी दिने ओमानको प्रस्ताव

असार ५, २०७६ बिहीबार ११:३९:३२ | उमाकान्त पाण्डे

यूएई – ओमानले नेपाली डाक्टर र नर्सलाई आफ्नो देशमा रोजगारी दिने प्रस्ताव गरेको छ ।

ओमानका लागि नेपाली राजदूत शर्मिला पराजुली ढकालसँग भएको शिष्टाचार भेटमा ओमानका स्वास्थ्य मन्त्री डाक्टर अहमद विन मोहम्मद पवन अवाइड अल सादीले यस्तो प्रस्ताव गरेको नेपाली दूतावास ओमानले जनाएको छ ।

ओमानलाई नेपाली डाक्टर र नर्स चाहिएको भन्दै त्यसका लागि सहयोग गर्न मन्त्री सादीले आग्रह गरेको दूतावासको भनाई छ ।

ओमानले अहिले भारत, इजिप्ट लगायतका देशबाट डाक्टर र नर्स ल्याउने गरेको छ । नेपालमा पनि दक्ष जनशक्ति रहेकाले स्वास्थ्य क्षेत्रबाट पनि नेपाल र ओमानसँगको सम्बन्ध थप विस्तार गर्न सकिने स्वास्थ्य मन्त्री सादीको विश्वास छ ।

जवाफमा राजदूत ढकालले ‘जीटूजी’ प्रकृयामार्फत नेपाली डाक्टर र नर्सहरु ओमान ल्याउन सकिने बताउनुभएको थियो । नेपाल र ओमानबीच श्रम समझदारीको तयारी भईरहेकाले कतिपय विषय त्यसमा नै समेट्न सकिने राजदूत ढकालले बताउनुभएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्