जसले भारत र पाकिस्तान दुवै देशबाट क्रिकेट खेले

असार २, २०७६ सोमबार १४:५८:३४ | उज्यालो सहकर्मी

क्रिकेटमा भारत र पाकिस्तान चिरपरिचित प्रतिद्वन्द्वी हुन् । यी दुई देशबीचको खेल अक्सर खचाखच भरिएको स्टेडियममा हुने गर्छ । एक दिवसीय क्रिकेटमा भारतविरुद्ध पाकिस्तान हावी भए पनि विश्वकपमा भने भारतमाथि अहिलेसम्म जित दर्ता गर्न सकेको छैन् ।

१९९२ देखि २०१९ को विश्वकप सम्म भारत र पाकिस्तान सात पटक भिड्दा सातै पटक भारतले जित निकालेको छ ।

विश्व क्रिकेटका स्टार खेलाडी सचिन तेन्दुलकरले अन्तर्राष्ट्रिय प्रतियोगितामा डेब्यू गर्नुअघि पाकिस्तानी फिल्डरको रुपमा मैदान प्रवेश गरेका थिए । तर उनले डेब्यू भने पाकिस्तानविरुद्ध नै १९८९ मा गरेका हुन् ।

भारत र पाकिस्तानबीच भएको प्रतियोगितामा पाकिस्तानका तर्फबाट सचिनले वैकल्पिक खेलाडीको रुपमा फिल्डिङ गरेका थिए । तर यो कतै रेकर्डमा भने दर्ता छैन् । सचिनले यो कुरा आफ्नाे बायोग्राफीमा उल्लेख गरेका छन् ।

२० जनवरी १९८७ मा क्रिकेट क्लब अफ् इन्डिया स्थापनाकाे ५० वर्ष पूरा भएको उपलक्ष्यमा मुम्बईमा भारत र पाकिस्तानका बीचमा मैत्रीपूर्ण क्रिकेटको आयोजना गरिएको थियो । यो पाँच टेस्ट सिरिज पहिला ४० ओभरका एक दिवसीय क्रिकेटको आयोजना गरिएको थियो । भारतले ब्याटिङ गरिरहेका बेला खानापछि जावेद मियादाद र अब्दुल कादिर फिल्डिङ गर्न आएनन् । पाकिस्तानसँग वैकल्पिक खेलाडी नभएका कारण १४ वर्षीय सचिन पाकिस्तानका तर्फबाट फिल्डिङ गर्न आएका थिए ।

तीन जना खेलाडीले भारत र पाकिस्तानबाट क्रिकेट खेलेका छन् ।

अब्दुर हाफिज करदार

अब्दुल हाफिज करदार पाकिस्तानी क्रिकेटको जन्मदातामध्ये एक जना हुन् । लाहोरमा जन्मिएका करदारले आफ्नो करियरको सुरुवात भारतीय क्रिकेट टिमबाट गरेका थिए । १९४६ मा भारतले इंग्ल्याण्ड भ्रमण गर्दा उनी पनि एक जना सदस्य थिए ।

भारतका लागि उनले जम्मा तीन टेस्ट खेले । पाकिस्तानबाट भने उनले २३ टेस्ट खेलेका छन् । भारतबाट उनले १९४६ मा इंग्ल्याण्डविरुद्ध डेब्यू गर्दा ४३ रन बनाएका थिए । अन्तिम टेस्ट भने उनी वेस्टइ ण्डिजविरुद्ध १९५८ मा पाकिस्तानबाट खेलेका थिए ।

क्रिकेट पछि उनी राजनीतिमा पनि आएका थिए । स्विजरल्याण्डका लागि पाकिस्तानका तर्फबाट राजदूत पनि बने । त्यसअघि उनी १९७२ देखि १९७७ सम्म पाकिस्तानी क्रिकेट छनोट समितिको संयोजक भएर पनि काम गरे ।

आमिर इलाही

आमिर इलाहीले करियरमा जम्मा ६ टेस्ट खेले । तर पनि उनले भारत र पाकिस्तान दुवै देशबाट क्रिकेट खेल्ने इतिहास बनाएका छन् । पहिलो खेल भारतका लागि १९४७ मा अस्ट्रेलियाविरुद्ध खेलेका थिए । भारत पाकिस्तान छुट्टिएपछि उनले ५ वटा टेस्ट पाकिस्तानबाट खेले ।

अन्तिम टेस्टमा उनले र जुल्फिकर अहमदसँग मिलेर नवौ विकेटका लागि १०४ रनको साझेदारी गरेका थिए । इलाहीले ४७ रन बनाएका थिए ।

गुल मोहम्मद

गुल मोहम्मदले जम्मा ९ टेस्ट क्रिकेट खेले । उनले ८ वटा भारतका लागि खेले भने पाकिस्तानका लागि एउटा मात्रै टेस्ट खेलेका थिए । १९४६ मा इंग्ल्याण्ड तथा १९४७–१९४८ मा भारतले अस्ट्रेलिया भ्रमण गर्दा उनी भारतीय टिमका सदस्य थिए ।

१९५५ मा पाकिस्तानको नागरिकता लिएपछि उनी पाकिस्तानी खेलाडी बनेका हुन् । उनले पाकिस्तानका लागि एक मात्र टेस्ट क्रिकेट खेले । खेलाडी करियरबाट बिदा भएपछि उनले १९८७ सम्म लाहोरमा रहेको गद्दाफी स्टेडियमको बोर्ड अफ् डाइरेक्टर बनेका थिए ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्