आईसीसी विश्वकप: अष्ट्रेलियाले दियाे पाकिस्तानलाई ३ सय ८ रनकाे लक्ष्य

जेठ २९, २०७६ बुधबार १९:९:६ | उज्यालो सहकर्मी

आइसीसी एकदिवसीय क्रिकेट अन्तर्गत बुधबार भएको खेलमा अष्ट्रेलियाले पाकिस्तानलाई तीन सय आठ रनको लक्ष्य दिएको छ ।

टाउनटोनमा टस हारेर ब्याटिङको निम्तो पाएको अष्ट्रेलियाले ४९ ओभर सबै विकेट गुमाउँदै तीन सय सात रन बनायो । उत्कृष्ट सुरुवात गरेको अष्ट्रेलियाले पहिलो विकेटका लागि एक सय ४६ रनको साझेदारी गरेको थियो ।

अष्ट्रेलियाका लागि डेभिड वार्नरले शतकीय पारी खेल्दै एक सय ११ बलमा ११ चौका र एक छक्काको मद्दतले एक सय सात रन बनाए । त्यस्तै कप्तान आरोन फिन्चले ८२ रन बनाए ।

त्यसपछि स्टिभ स्मिथ मात्र १० रनमा आउट भएपछि अष्ट्रेलियाले एक सय ८९ रनमा दोस्रो विकेट खेर फाल्यो । त्यसपछि क्रिजमा आएका ग्लेन म्याक्सवेल पनि व्क्तिगत २० रनमा आउट भए ।

मध्यक्रमका खेलाडी क्रिजमा टिक्न सकेनन् । अष्ट्रेलियाका लागि सन मार्सले २३ तथा उस्मान ख्वाजाले १८ रनको योगदान गरे । यस्तै एलेक्स क्यारीले २० रन थपे ।

बलिङमा मोहम्मद आमीर एक्लैले पाँच विकेट लिए । १० ओभरको स्पेलमा आमीरले दुई मेडन राख्दा जम्मा ३० रन खर्चिए त्यस्तै भने साहिन अफ्रिदीले २ विकेट लिँदा हसन अली, वाहव रियाज र मोहम्मद हफिजले समान एक एक विकेट लिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्