विश्वकप क्रिकेट : अष्ट्रेलियाको विजयी सुरुवात, अफगानिस्तान ७ विकेटले पराजित

जेठ १९, २०७६ आइतबार ६:२१:५५ | एजेन्सी

ओपनर डेभिड वार्नर र आरोन फिन्चले उत्कृष्ट पारी खेलेपछि अफगानिस्तानलाई ७ विकेटले पराजित गरी अष्ट्रेलियाले एकदिवसीय विश्वकपको उपाधि रक्षा यात्राको सुरुवात गरेको छ ।

ब्रिस्टोलको काउन्टी मैदानमा अफगानिस्तानले दिएको २०८ रनको लक्ष्य अष्ट्रेलियाले ३४.५ ओभरमा ३ विकेटको क्षतिमा पूरा गरेको हो । उसका लागि ओपनर वार्नरले ११४ बलमा ८९ रनको शानदार पारी खेले । अर्का ओपनर तथा कप्तान फिन्चले ४९ बलमा ६६ रनको योगदान गरे ।

बल टेम्परिङ प्रकरणपछि १ वर्षको प्रतिबन्ध ब्यहोरेर विश्वकप अघि अष्ट्रेलियाको टिममा पुनरागमन गरेका वार्नरले आफ्नो उत्कृष्ट लय पहिलो खेलदेखि नै प्रस्तुत गरेका छन् ।

वार्नरले पहिलो विकेटका लागि फिन्चसँग मिलेर ९६ रनको साझेदारी गरेका थिए । गुल्वादिन नइवको बलमा फिन्च आउट भएपछि आएका उस्मान ख्वाजासँग मिलेर अर्को ६० रनको साझेदारी गरे ।

ख्वाजा १५ रनको व्यक्तिगत स्कोरमा रशिद खानको एलबीडब्ल्यू धरापमा परेपछि आएका पूर्व कप्तान स्टिभ स्मिथसँग मिलेर ५१ रनको साझेदारी गरी वार्नरले अष्ट्रेलियालाई पहिलो खेलमा जितको नजिक पुर्‍याए ।

बल टेम्परिङमा स्मिथले पनि १ वर्षको प्रतिबन्ध व्यहोरेका थिए । जितका लागि ३ रन आवश्यक हुँदा स्मिथ मुजिव उर रहमालको बलमा १८ रन बनाएर आउट भए । त्यसपछि आएका म्याक्सवेलले पहिलो बलमै चौका प्रहार गरी टिमलाई जित दिलाए ।

यसअघि टस जितेर पहिले ब्याटिङ गरेको अफगानिस्तानले ३८.२ ओभरमा २०७ रनमा अलआउट भएको थियो ।

अफगानिस्तानका लागि नाजिबउल्लाह जाड्रनले ५१ रन बनाए । यस्तै रहमत साहले ४३ तथा कप्तान गुल्बदीन नाइबले ३१ रनको योगदान दिए । राशिद खानले ११ बलमा २७ रनको विष्फोटक पारी खेले ।

अष्ट्रेलियाका लागि एडम जाम्पा र प्याट कुमिन्सले समान ३–३ विकेट लिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्