भूकम्पपीडित पाँच हजार, घर बनाउने डेढ सय मात्रै

चैत ३०, २०७५ शनिबार २०:३९:४८ | सन्तोष थापा

पर्वत – पर्वतमा विनाशकारी भूकम्पबाट पूर्ण क्षति भएका निजी आवास निर्माण कार्यले गति लिन नसकेको भन्दै चिन्ता व्यक्त गरिएको छ ।

राष्ट्रिय पुनःनिर्माण प्राधिकरण जिल्ला आयोजना कार्यान्वयन एकाइ पर्वतले आयोजना गरेको पुननिर्माण जिल्ला समन्वय समितिको दोस्रो बैठकमा अझै पनि पुन निर्माणले गति लिन नसकेको भन्दै चिन्ता व्यक्त गरेका हुन् । चैत्रको अन्तिम सातासम्म मापदण्ड अनुसार निजी आवास सम्पन्न गरेर तेस्रो किस्ता अनुदान बुझ्नेको संख्या डेढ सय मात्रै पुगेको छ ।

बैठकमा दिएको जानकारी अनुसार मापदण्ड अनुसार निजी आवास पूरा गरी तेस्रो किस्ता अनुदान लिने लाभग्राहीको संख्या जम्मा एक सय ५४ पुगेको हो । भूकम्पबाट पूर्ण क्षति पुगेका जिल्लाका ५ हजार २ सय ६९ जना रहेका छन । २ हजार ४ सय ३४ जनाले दोस्रो किस्ता बुझिसकेका छन् । ४ हजार ८ सय ९१ जनाले पहिलो किस्ताको रकम बुझेका थिए ।

आयोजनाका अनुसार सबैभन्दा बढी मोदी गाउँपालिकामा ४९ जनाले तेस्रो किस्ता बुझेका छन भने कुस्मा नगरपालिकामा र जलजला गाउँपालिकामा २८ जनाले तेस्रो किस्ता बुझेका छन् ।

भूकम्पले सबैभन्दा बढी क्षति पुगेको बिहादी गाउँपालिकामा २५ जना दोस्रो धेरै क्षति पुगेको पैंयु गाउँपालिकामा दुई जनाले मात्रै अनुदान बुझेका छन् । फलेबास नगरपालिकामा सात जना र महाशिला गाउँपालिकामा १५ जनाले अनुदान बुझेका छन् । तेस्रो किस्ताका लागि रकम माग गरे पनि मापदण्ड पूरा नगरेका ४ सय ५३ जना लाभग्राहीलाई संरचना सुधारका लागि पठाइएको छ ।

त्यसमध्ये ३ सय ४१ जनाले मापदण्ड सुधारको चरणमा रहेका र १ सय १२ भूकम्पपीडितका संरचना सुधार गर्न नसक्दा तेस्रो किस्ता अनुदान पाउनबाट बञ्चित भएका छन् ।

आयोजना प्रमुख रामाशिष साहका अनुसार धेरै निजी आवास निर्माण सम्पन्न भए पनि मापदण्ड पूरा गर्न नसकेका कारण तेस्रो किस्ता दिन नसकिएको हो । ‘धेरै घर सम्पन्न भएका छन् तर प्राधिकरणको भूकम्प प्रतिरोधी मापदण्ड पूरा गर्न सकेका छैनन्’ उहाँले भन्नुभयाे, ‘मापदण्ड पूरा नगरी तेस्रो किस्ता माग गर्ने लाभग्राहीलाई मापदण्ड पूरा गरेर आउन आग्रह गर्दै फाइल फिर्ता पठाएका छाैँ ।’

बैठकमा बोल्दै राष्ट्रियसभाका अध्यक्ष गणेशप्रसाद तिमिल्सिनाले कुनै पनि वाहनामा निर्माणको काममा ढिलाइ नगर्न निर्देशन दिदै अनुदान लिने प्रक्रियामा झण्झट, प्राविधिक अभाव र जनशक्तिको अभाव देखाउनुभन्दा कसरी समाधान गर्न सकिन्छ भन्नेतर्फ जनप्रतिनिधिहरु लाग्न जरुरी रहेको बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्