६७ वटा कम्पनीलाई नेपाली कामदार लान रोक (सूचीसहित)

चैत २२, २०७५ शुक्रबार १४:११:२० | उज्यालो सहकर्मी

काठमाण्डौ – वैदेशिक रोजगार विभागले खाडीका देश र मलेसियाका विभिन्न ६७ वटा कम्पनीलाई नेपाली कामदार लान रोक लगाएको छ ।

आफूले ल्याएका कामदारलाई सम्झौता अनुसार सेवासुविधा नदिने कम्पनीलाई विभागले कालोसूचीमा राखेर कामदार लान रोक लगाएको हो । नेपालमा भनिएको सम्झौता अनुसारको काम र सेवा सुविधा नपाएको गुनासो बढेपछि विभागले धेरै गुनासो आएका कम्पनीहरुलाई कालोसूचीमा राखेको हो ।

कालोसूचीमा पर्ने कम्पनीहरु मलेसिया, साउदी अरब, कतार र युएईका छन् । सबैभन्दा धेरै मलेसियाका ५२ वटा कम्पनी विभागको कालोसूचीमा छन् । त्यस्तै युएईका ६, साउदी अरबका ५ र कतारका ४ वटा कम्पनीलाई नेपाली कामदार लान रोक लगाइएको वैदेशिक रोजगार विभागले जनाएको छ ।

गएका व्यक्तिले समस्या परेर दिएको उजुरीका आधारमा विभागले कालोसूचीमा राख्ने गरेको छ । कालोसूचीमा राखेका कम्पनीका लागि विभागले श्रम स्वीकृति दिँदैन ।

कालोसूचीमा परेका कम्पनीमा म्यानपावरले पनि कामदार पठाउन पाउने छैनन् । यसका बारेमा झुक्याएर कहिलेकाहीँ कामदार पठाएको पाइएको थियो । तर अहिले सबै अनलाइनबाटै हेर्न सकिने व्यवस्था गरिएकाले यो सम्भावना नहुने विभागका कम्प्युटर इन्जिनियर राजु श्रेष्ठले उज्यालोलाई जानकारी दिनुभयो ।

‘योभन्दा अघि जाने मान्छेलाई पनि आफू जान लागेको कम्पनी कस्तो हो भन्ने थाहा हुँदैनथ्यो तर अहिले यो कुरा विभागको वेबसाइडमै हेर्न सकिने भएकाले झुक्याउने र झुक्किने सम्भावना हुँदैन’, उहाँले भन्नुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्