तीन महिनादेखि 'ब्रेन डेड' महिलाले जन्माइन् बच्चा !

चैत १९, २०७५ मंगलबार ११:३८:३९ | उज्यालो सहकर्मी

पोर्चुगलमा एक २६ वर्षिया महिलाले गएको बिहीबार एक शिशु जन्माइन् । शिशु जन्माएपछि महिलाको निधन भयो । तर ती महिला गएकाे डिसेम्बर महिनादेखि ‘ब्रेन डेड’ अर्थात् मानसिक रुपमा मृत थिइन् ।

अन्तर्राष्ट्रिय स्तरकी खेलाडीसमेत रहेकी कथरीना सेकेरालाई गएको डिसेम्बरमा श्वासप्रश्वास सम्बन्धी समस्या देखिएपछि अस्पताल लगिएकाे थियाे । उनलाई अस्पतालले मानसिक रुपमा मृत घोषणा गरेको थियो ।

३२ हप्ताको गर्भपछि शिशुको जन्म भएको हो । बच्चको नाम स्लवाडोर राखिएको छ । स्लवाडोरलाई अहिले नियोनेटल अस्पतालको निगरानीमा राखिएको छ । पोर्चुगलमा ब्रेन डेड महिलाले शिशु जन्माएको यो दोस्रो घटना हो ।

सेकेरा अत्यन्तै प्रतिभाशाली सामुद्रिक खेलाडी थिइन् । उनलाई ५६ दिनसम्म भेन्टिलेटरमा राखिएको थियो ता कि उनको गर्भमा रहेको बच्चा सुरक्षित होस् ।

डाक्टरहरु डेलिभरीको लागि शुक्रबारसम्म पर्खिन चाहिरहेका थिए । किनकी शुक्रबार नै ३२ हप्ता पूरा हुन लनगेको थियो । तर सेकेराको अवस्था निकै नाजुक भएपछि बिहीबार नै उनको डेलिभरी गराइएको थियो ।

बच्चालाई उसकी आमाको गर्भमा सुरक्षित राख्न उनको परिवारसँग सल्लाह भएको अस्पताल आचार संहिताको प्रमुख फिलिप एल्मोडाले बताइन् ।

बच्चाका बाबु र उसको परिवार जसरी पनि बच्चालाई सुरक्षित राख्न चाहान्थे । बच्चा १ दशमलव ७ किलोग्रामको रहेको छ । उसलाई तीनहप्तासम्म अस्पतालमा नै राखिनेछ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्