महायज्ञमा राष्ट्रिय सभा सदस्य एवं गायिका कोमल वलीले दान गरिन् आफ्नै गीत

चैत १६, २०७५ शनिबार १९:५६:४६ | हेमराज शर्मा

दाङ – दाङको घोराही उपमहानगरपालिकाकाे माध्यामिक विद्यालय रतनपुरमा शनिबार सञ्चालित श्रीमदभागवत महायज्ञमा राष्ट्रिय सभा सदस्य कोमल वलीले आफ्ना गीतहरु नै दान गर्नुभएकाे छ ।

विद्यालयमा भौतिक पूर्वाधार विकास र प्राविधिक शिक्षा सञ्चालनकाे लागि सञ्चालित महायज्ञमा वलीलाई प्रमुख अतिथिका रुपमा आमन्त्रण गरिएको थियो । मन्तव्यमा बाेेल्दै वलीले विद्यालयलाई प्रविधियुक्त बनाउन आफू लागिपर्ने प्रतिबद्धता व्यक्त गर्नुभयो ।

आफू राष्ट्रिय सभा सदस्य भएको र आफूले दान गरेकाे १५/२० हजार रुपैयाँ धेरै नहुने भन्दै आफूसँग भएको गीत नै दान गर्ने उहाँले बताउनुभयो ।

कार्यक्रममा गायिका वलीले आफ्नाे तुल्सिपुरमा मै जाँदा खेरी भन्ने लोक गीतकाे लयमा भजन पनि गाउनुभयाे, आफू पनि नाच्नुभयाे र आयोजक र भक्तजनहरुलाई पनि मज्जाले नचाउनुभयाे ।

महायज्ञमा बोल्दै रास्ट्रिय सभा सदस्य वलीले पश्चिमा देशहरूले हिन्दु धर्ममाथि खुलेयाम आक्रमण गरेको बताउनुभयो । 'उनीहरु हाम्रो देशमा खुलेआम धर्म किनबेचमा लागेका छन्', उहाँले भन्नुभयाे, 'त्यस्तालाई कारबाही गरिनुपर्छ । धर्मले हामीलाई सन्तुष्टि, सुखी र अनुशासित बनाउँछ । पैसा संकलनका लागि मात्रै नभएर धर्म संरक्षणका लागि गाउँगाउँ महायज्ञ लगाउन जरुरी छ ।'

उहाँले विद्यालयको भौतिक विकासका लागि आफूले पनि पहल गर्ने आश्वासन दिनुभयो। शिक्षामा आमूल परिवर्तन गर्ने गरी सरकारले काम गरिरहेको भन्दै वलीले भौतिक निर्माण र प्राविधिक शिक्षाका लागि पहल गर्ने प्रतिबद्धता व्यक्त गर्नुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्