नेपालमा लगानीको वातावरण र अवस्था अध्ययन गर्न युएईले प्रतिनिधि मण्डल नेपाल पठायो

असार १०, २०७५ आइतबार १७:५६:४४ | उमाकान्त पाण्डे

युएई – नेपालमा लगानीको वातावरण र अवस्थाबारे अध्ययन गर्न युएईले प्रतिनिधि मण्डल नेपाल पठाएको छ ।

युएई सरकारको बिशेष प्रतिनिधिको रुपमा सचिव स्तरीय प्रतिनिधि टोली आइतबार नेपाल गएको हो । परराष्ट्र मन्त्रालय, नेपाली दूतावास आबुधाबी र युएई सरकारको समन्वयमा टोली नेपाल गएको हो ।

नेपालमा स्वास्थ्य, विद्युत, रेल तथा यातायात लगायत अन्य क्षेत्रमा लगानीका सम्भावना बारे अध्ययन गरी लगानी प्रस्ताव गर्न युएईले चासो देखाएर प्रतिनिधि मण्डल पठाएको दूतावासले जनाएको छ ।

युएईबाट गएको टोलीमा नेपाली बिजनेस काउन्सिल दुवईका अध्यक्ष डा.आसिफ अलि सिद्दिकी समेत सहभागी भएको काउन्सिलका महासचिव दिपकराज पौडेलले जानकारी दिनुभयो ।

टोलीले नेपाल र युएईबीचमा ब्यावसायिक लगानीको सम्भाव्यता अध्ययन गरेर काम सुरु गर्ने छ । टोलीले दुई दिनसम्म उद्योग, वाणिज्य तथा आपूर्ति मन्त्रालयका सचिव चन्द्रकुमार घिमिरेको नेतृत्वमा विभिन्न मन्त्रालय तथा निकायका प्रतिनिधिसँग छलफल गर्ने कार्यक्रम तय भएको र त्यसको कार्यतालिका परराष्ट्र मन्त्रालय तथा नेपालमा रहेको युएई दूतावासले व्यवस्थापन गर्ने छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्