धनगढीकाे त्रिनगर नाकामा नागरिक सहायता कक्ष

फागुन ६, २०७५ सोमबार २०:२५:५९ | निर्मला खडायत

कैलाली – आन्तरिक मामिला तथा कानुन मन्त्रालयको आयोजनामा धनगढीको त्रिनगर नाकामा नागरिक सहायता कक्षको स्थापना गरिएको छ ।

सुदूरपश्चिम प्रदेश गठन भएको केही महिनामा भारतसँग जोडिएका सीमा नाकामा नागरिक सहायता कक्ष स्थापना गर्ने प्रदेश सरकारले बताए पनि त्यो काम १ वर्ष पछि मात्रै सम्पन भएको छ ।

प्रदेश सरकारले गठन भएको एक वर्ष पुगेको अवसरमा सहायता कक्षको स्थापना गरेको हो । सहायता कक्षको सुदूरपश्चिम प्रदेशका मुख्यमन्त्री त्रिलोचन भट्टले उद्घाटन गर्नुभएको छ । उहाँले सहायता कक्ष स्थापना भएसँगै भारतबाट आउँदा र भारत जाँदा नेपालीले भोग्नुपर्ने सास्तीको अन्त्य हुने बताउनुभयो ।

मुख्यमन्त्री भट्टले आफू भारतमा रोजगारीका लागि गएका बेला सीमानाकामा दुःख पाएको स्मरण गर्दै त्यस्ता दुःख अन्त्यका लागि सक्दो पहल गरिरहेको बताउनुभयो ।

भारतमा रोजगारीका लागि गएका धेरै व्यक्ति अहिले सम्पर्कविहीन भएका कारण अब भारत जाने नागरिकको अभिलेख राख्न समेत नागरिक सहायता कक्षले सहयोग पुग्ने पनि उहाँले बताउनुभयो ।

आन्तरिक मामिला तथा कानुन मन्त्री प्रकाश शाहले त्रिनगर नाकामा स्थापना भएको सहायता कक्षले भारत र नेपालको सम्बन्धलाई थप मजबुत र प्रगाढ बनाउन सहयोग मिल्ने बताउनुभयो ।

सहायता कक्षले भारतमा जाने नेपालीहरुको तथ्याङ्क संकलनका साथै मानव अधिकारको रक्षामा सहयोग पुग्ने मन्त्री शाहको भनाइ छ । अहिले सहायता कक्षको सामान्य रुपमा उद्घाटन गरिए पनि वैशाख १ गते देखि डिजिटल प्रणाली बाट सेवा सुरु गरिनेछ ।

सहायता कक्षले नागरिकलाई मात्रै सेवा प्रदान नगरी, सुरक्षा निकाय र भन्सार कर्मचारीलाई पनि सहयोग पुग्ने मन्त्री शाहले जानकारी दिनुभयो ।

पहिलो चरणमा कैलालीको त्रिनगरमा सहायता कक्ष स्थापना भएपनि दोस्रो चरणमा टीकापुर र कञ्चनपुरको गड्डाचौकी नाकामा सहायता कक्ष स्थापना हुने आन्तरिक मामिला तथा कानुन मन्त्रालयले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्