जनवरीमा ‘मेरो गाउँ, मेरो ठाउँ’ वृत्तचित्र प्रतियोगिता

माघ २४, २०७५ बिहीबार १७:३९:२० | निर्मला खडायत

कैलाली - सुदूरपश्चिम प्रदेशको पर्यटकीय क्षेत्र र स्थानीय कला संस्कृतिको प्रचार प्रसार गर्न वृत्तचित्र बनाउने प्रतियोगिता हुने भएको छ ।

हामी उठ्ने छौँ (वि विल राइज) फाउन्डेसनले ‘मेरो गाउँ, मेरो ठाउँ’ शीर्षक दिएर यस्तो प्रतियोगिता गर्न लागेको हो । नेपाल पर्यटन बोर्डसँगको सहकार्यमा गर्न लागेको प्रतियोगिताले कुना कन्दरामा रहेका पर्यटकीय क्षेत्र र स्थानीय कला संस्कृतिलाई उजागर गर्न मद्दत पुग्ने आयोजकले विश्वास लिएको छ ।

प्रतियोगिता सन् २०२० जनवरी १ तारिखदेखि सुरु हुने फाउन्डेसनका निर्मला श्रेष्ठले बताउनुभयो । प्रतियोगितामा जो कोही पनि सहभागी हुनसक्ने उहाँले बताउनुभयो ।

प्रतियोगितामा सहभागी हुनेले आफ्नो ठाउँमा रहेको पर्यटकीय स्थल, भेषभुषा, स्थानीय परिकार, संस्कृतिमध्ये कुनै एक शिर्षकमा रहेर ५ मिनेटको वृत्तचित्र बनाउनुपर्ने छ ।

आफूले बनाएको वृत्तचित्र जनवरी १ तारिखदेखि अप्रिल महिनाभित्र फाउन्डेसनलाई बुझाइसक्नु पर्नेछ । प्रतियोगितामा सहभागी हुन कुनै पनि शुल्क नलाग्ने फाउण्डेसनका श्रेष्ठले बताउनुभयो ।

प्रतियोगितामा सर्वोत्कृष्ट हुने वृत्तचित्र निर्माताले १ लाख रुपैयाँ नगद र नेपाल फिल्म एकेडेमीको तर्फबाट दुइ लाख बराबारको छात्रवृत्ति पाउनेछन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्