स्वास्थ्यसेवा पुग्न नसकेका दाङका बस्ती : डाेकोलाई प्रयोग गर्छन् एम्बुलेन्सको रुपमा

माघ ८, २०७५ मंगलबार १६:३८:३७ | हेमराज शर्मा

दाङ - भारतीय सीमावर्ती दाङको राजपुर गाँउपालिकाका बासिन्दा अझैपनि डोको तथा खटियालाई एम्बुलेन्सको रुपमा प्रयोग गर्छन् । त्यहाँ न त एम्बुलेन्स जाने बाटो छ न राम्रो अस्पताल नै ।

उनीहरुले ‘सिंहदरबार गाँउसम्म’ भन्ने थेगो त सुनेका छन् तर वास्तविक जीवनमा भने अनुभव गर्न पाएका छैनन् । कहिले सिंहदरबार गाउँसम्म आइपुग्ला भन्दै डाँडापारी हेर्ने उनीहरुको दैनिकी नै भइसकेको छ ।

महिला स्वयंसेवीका समेत नभएको राजपुर गाँउपालिका वडा नम्वर ५ का जंङग्रवा, हतेवा, सिम्लखुट्टी, सोमैथान, माजगाँउ, कुुशुवा, पण्डीतबासे, धारपोखरी, भण्डारी खोला लगायतका १२ बढी टोलमा स्वास्थ्य तथा सञ्चारको सेवा देखि लिएर राम्रो बिद्यालय र सडकको पहुँच नभएको जनज्योती प्राथमिक विद्यालय महतेनीखोलाकी शिक्षिका कौशिला वली भण्डारीले बताउनुभयो ।

गाउँमा स्वास्थ्यकर्मी पनि आउन नमान्ने त्यहाँका बासिन्दाहरु गुनासो गर्छन् । ‘स्वास्थ्यकर्मी भन्ने सुनेका छौँ, महिला स्वयंसेवीकाले एकदुईपटक जुकाको औषधि लिएर आउनुभएको थियो तर अहिले त नदेखेको पनि एक वर्ष भइसक्यो,’ स्थानीय सुशीला पुनले दुखेसो पोख्दै भन्नुभयो, ‘गाउँमा कोही बिरामी पर्दा डोको र खटीयालाई एम्बुलेन्सको रुपमा प्रयोग गर्ने चलनै बसीसकेको छ ।’

त्यहाँका बासिन्दाहरु अझैपनि टुकीको भरमा बाँचेका छन् । नेपालमा यत्रा जलविद्युत योजना बनिरहेको अलिकति पनि छनक देख्न पाइदैन त्यो गाउँमा ।

विद्युत सेवा नभएकै कारण तेलहन, खाद्यन्न र दलहनको कुटानी,पीसानीका लागि झण्डै ३ घण्टा हिडेर राजपुरको सुगम क्षेत्रमा आउनुपर्ने बाध्यता छ ।

जम्मा ८२ घरधुरी भएका ती बस्तीका लागि बिद्युत पोल पनि गाडी सकेका छन् । तर बिद्युत तार जडान गर्न भने बाँकी नै छ ।

चुरे पहाडको काखैमा रहेका ती बस्तीलाई कुनैपनि सडकले छुनसकेको छैन । जग्गा विवद तथा अन्य कानुनी प्रक्रियाले अबरोध हुँदा सडक पुग्न नसकेकोे स्थानियहरुको गुनासो छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्