युएईमा रहेको नेपाली दूतावास नयाँ ठाउँमा सर्ने, अहिलेको भन्दा पायक पर्ने

 पुष ४, २०७५ बुधबार १२:३०:३२ | उमाकान्त पाण्डे

युएई – युएईमा रहेको नेपाली दूतावास आउँदो जनवरी १ अर्थात पुस १७ गतेदेखि नयाँ ठाउँमा सर्ने भएको छ । 

अहिले दूतावास रहेको घरसँगको पाँचवर्षे सम्झौता डिसेम्बरदेखि सकिने भएपछि नेपाल र युएईको परराष्ट्र मन्त्रालयमार्फत स्वीकृति लिएर नयाँ भवनका लागि मंगलबार सम्झौता भएको हो । 

सम्झौता अनुसार नयाँ भवनको वार्षिक ४ लाख दिर्हाम अथवा झन्डै सवा एक करोड रुपैयाँ घरभाडा बुझाउनु पर्नेछ । 

यसअघि प्रयोग गर्दे आएको भवनमा समेत यसैअनुसारको सम्झौता थियो ।  यो समेत गरेर दूतावासले ५ औं पटक स्थान परिवर्तन गरिसकेको छ । 

साढे तीन तल्लाको नयाँ भवनमा १८ वटा कोठा सहित झन्डै ४ सय जना एकै पटक सहभागी हुन सक्ने ठूलो कम्पाउण्ड रहेको दूतावासले जनाएको छ । भवनभित्रै महिलाका लागि सुरक्षित आवास गृह पनि रहेको छ । 

अहिलेको भन्दा पायक

दूतावासको नयाँ भवन आबुधाबीमा रहेको बसपार्कबाट ४ सय मिटर पूर्वमा पर्छ । युएईका अरु राज्यबाट नयाँ ठाउँ पुग्न मुख्य बसपार्कमा झरेर पूर्वतर्फको आकाशे पुल पार गरी तीनदेखि पाँच मिनेटसम्म हिँड्नुपर्छ ।

अहिले रहेको कार्यालय आबुधाबी बसपार्कबाट टाढा पर्छ । युएईको अरु राज्यबाट दूतावास पुग्ने नेपालीले बसपार्क ओर्लेर फेरि अर्को गाडी प्रयोग गर्नुपर्ने बाध्यता छ ।

अतिरिक्त सवारी प्रयोग गर्दा न्युनतम १२ दिर्हाम अथवा ३५० रुपैयाँ एकतर्फी खर्च हुने गरेको छ । दूतावास नयाँ भवनमा सरेपछि पैसा र समयको बचत हुने भएको छ ।
 

अन्तिम अपडेट: मंसिर १०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ। 

2 Comments

  • CHHOTE LAL SARDAR

    May 27, 2020, 1:41 p.m.

    my visa canceled before 2 month i don't have cash,food etc.... i need go to my country Please help me 00971 563027390

  •  0 Reply

  • Raj lamsal

    Dec. 19, 2018, 2:51 p.m.

    कहाँ सर्ने भन्ने निर्णय नभै सकेको जस्तो बुझियो सायद त्यो पनि चाडै समाचार आउला भन्ने प्रतीक्षामा छु।

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई