ग्यास भएका ठाउँमा जमिन खन्दा सावधानी अपनाउन आग्रह

फागुन २६, २०८१ सोमबार ९:१६:५४ | उज्यालो सहकर्मी

काठमाण्डौ – काठमाण्डौ उपत्यकाभित्र मिथेन ग्यास भएका ठाउँहरुमा जमिन खन्दा सावधानी अपनाउन खानी तथा भूगर्भ विभागले आग्रह गरेको छ ।

विभागका उप-महानिर्देशक एवम् प्रवक्ता मोनिका झाले ग्यास भएका ठाउँमा दुई सय मिटरभन्दा धेरै खन्नुपरेमा सावधानी अपनाउन सुझाव दिनुभएको हो ।

डिपबोरिङ, कुवा वा अरु कामका लागि जमिन खन्नुपरेमा सलाई, लाइटरजस्ता आगो लाग्ने उपकरण प्रयोग नगर्न उहाँको सुझाव छ ।

उज्यालोसँगको कुराकानीमा उहाँले काठमाण्डौ उपत्यकाका विभिन्न १४ ठाउँमा मिथेन ग्यास रहेको जानकारी दिनुभयो ।

ग्यास बाहिर निस्कँदा आगोले भेटेमा मात्रै त्यो जोखिमपूर्ण हुने अन्यथा त्यसबाट कुनै असर नपर्ने उहाँको भनाइ छ ।

यसअघि भएको अध्ययनबाट त्रिपुरेश्वर, टेकु, कुलेश्वर, कालिमाटी, भृकुटीमण्डप,कोटेश्वर, टिकाथली, बालकुमारी, ईमाडोलमा मिथेन ग्यास रहेको पुष्टी भइसकेको छ ।

मिथेन ग्यास वातावरणमैत्री ईन्धन रहेको र यसलाई पेट्रोल र डिजेलको विकल्पको रुपमा प्रयोग गर्न विभागले जनाएको छ ।

अघिल्लो हप्ता ललितपुरको टीकाथलीमा खानेपानीका लागि बोरिङ खन्ने क्रममा ग्यास निस्किएको थियो ।

गोदावरी खोला नजिक स्थानीय खानेपानी आयोजनाका लागि बोरिङ खन्ने क्रममा ग्यास निस्केर आगो लागेपछि काठमाण्डौ उपत्यकाका विभिन्न ठाउमा मिथेन ग्यास रहेको विषय बाहिर आएको हो ।

यसअघि २०७९ साउनमा काठमाण्डौको जोरपाटीमा बोरिङ खन्ने क्रममा लेदोसहित पानी र ग्यास निस्किएको थियो ।

आठ वर्षअघि भक्तपुर पिलागाउँमा पनि डिप बोरिङ गर्ने क्रममा ग्यास निस्किएर आगलागी भएको थियो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्