इन्डो–नेपाल भलिबलमा पुलिस र आर्मी विजयी

पुष २२, २०८१ सोमबार १८:११:२८ | उज्यालो सहकर्मी

काठमाण्डाै – इन्डो–नेपाल रनिङ शिल्ड भलिबलमा आज भएका खेलमा नेपाल पुलिस क्लब र त्रिभुवन आर्मी क्लब विजयी भएका छन् ।

बुटवलको रामनगर खेलमैदानमा आज भएको पहिलो खेलमा पुलिसले रुकुम पश्चिम भलिबल प्रशिक्षण केन्द्रलाई ३–० को सोझो सेटमा हरायो । पुलिसले पहिलो सेट २५–१८, दोस्रो सेट २५–१९ र तेस्रो सेट २८–२६ ले जित्यो ।

यस्तै दोस्रो खेलमा आर्मीले सशस्त्र प्रहरी बलको एपीएफ क्लबलाई ३–१ को सेटमा हरायो । आर्मीले पहिलो सेट २५–१७, दोस्रो सेट २५–२१ चौथो सेट २५–१५ ले जित्यो । एपीएफले तेस्रो सेट २५–१९ ले जित्यो ।

योसँगै इन्डो–नेपाल रनिङ शिल्ड भलिबलको सेमिफाइनल समीकरण पूरा भएको छ । पहिलो सेमिफाइनलमा समूह ‘ए’ को विजेता पुलिस र समूह ‘बी’ को उपविजेता भारतको गुजरात स्टेट भलिबल एसोसिएशन खेल्ने भएका छन् । यस्तै दोस्रो सेमिफाइनलमा समूह ‘बी’ को विजेता आर्मी र समूह ‘ए’ को उपविजेता मणिमुकुन्द भलिबल क्लब खेल्ने भएका छन् ।

सेमिफाइनल खेल भोलि हुनेछ । यस्तै फाइनल खेल पर्सि बुधवार हुनेछ ।

तस्वीर : नमस्ते सुर्खेत युट्युब च्यानलबाट

अन्तिम अपडेट: पुस २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्