क्यानडाले अस्थायी विदेशी कामदारको सङ्ख्या कम गर्ने

कात्तिक ८, २०८१ बिहीबार १८:२६:५८ | एजेन्सी

क्यानडाले देशमा काम गरिरहेका अस्थायी विदेशी कामदारको सङ्ख्या कम गर्ने भएको छ । क्यानडाका प्रधानमन्त्री जस्टिन ट्रुडोले सामाजिक सञ्जाल ‘एक्स’ मार्फत देशमा अस्थायी विदेशी कामदारको सङ्ख्या कम गर्ने बताउनुभएको हो ।

प्रधानमन्त्री ट्रुडोले सरकारले कम्पनीहरूका लागि कडा नियम ल्याउन लागेको र उनीहरूले किन क्यानडाका कामदारलाई पहिलो प्राथमिकतामा राख्न सक्दैनन् भनेर व्याख्या गर्नुपर्ने बताउनुभएको छ ।

खालिस्तान समर्थक हरदीप सिंह निज्जरको हत्याको विषयलाई लिएर भारत र क्यानडाको सम्बन्धमा तनावको स्थिति बनेको छ । गएको वर्ष क्यानडाका प्रधानमन्त्री जस्टिन ट्रुडोले निज्जरको हत्यामा भारतीय एजेन्टको संलग्नता रहेको आरोप लगाउनुभएको थियो ।

भारतको पञ्जाबसहित अन्य राज्यका धेरै सङ्ख्यामा मानिसहरू काम गर्नका लागि क्यानडा जाने गरेका छन् । क्यानडाका प्रधानमन्त्रीको पछिल्लो घोषणाका कारण उनीहरूले समस्याको सामना गर्नुपर्ने हुनसक्छ । १८ लाख जना भारतीय क्यानडाका नागरिक छन् र १० लाख जना भारतीय क्यानडामा बस्छन् ।

यस्तै भारतबाट लाखौं विद्यार्थी पढाइका लागि क्यानडा जान्छन् । भारतको विदेश मन्त्रालयको सन् २०२३ को डिसेम्बर महिनाको तथ्याङ्कअनुसार दुई लाख ३० हजार जना भारतीय विद्यार्थी क्यानडामा अध्ययनरत छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

क्यानडाले अस्थायी विदेशी कामदारको सङ्ख्या कम गर्ने

फाइल फाेटाे

तपाईको प्रतिक्रिया