अमेरिकी उप–विदेशमन्त्री वर्मा काठमाण्डौमा

साउन ३२, २०८१ शुक्रबार १३:३४:१५ | उज्यालो सहकर्मी

काठमाण्डाै – अमेरिकाका व्यवस्थापन तथा स्राेतसम्बन्धी उप–विदेशमन्त्री रिचार्ड वर्मा आज बिहान काठमाण्डौ आइपुग्नुभएको छ ।

यसैबीच उप–विदेशमन्त्री वर्माले प्रधानमन्त्री केपी शर्मा ओलीसँग भेटवार्ता गर्नुभएकाे छ । उहाँहरूबीच सिंहदरबामा भेटवार्ता भएकाे हाे । भेटमा आर्थिक विकास, ऊर्जा क्षेत्रमा सहकार्य सम्भावना लगायतका विषयमा कुराकानी भएको छ ।

यस्तै उपविदेशमन्त्री वर्माले विभिन्न दलका शीर्ष नेता, अन्तर्राष्ट्रिय विकासका लागि अमेरिकी नियोग (यूएसएआईडी) नेपालका कार्यक्रम कार्यान्वयन साझेदार, चिया विज्ञ र नेपाली व्यवसायीसँग भेटघाट गर्ने कार्यक्रम छ ।

नयाँ सरकार बनेपछि अमेरिकाबाट भएको यो पहिलो उच्च भ्रमण भएकाले महत्त्वका साथ हेरिएको छ । उप–विदेशमन्त्री वर्मा आज दिनभर भेटघाटमा व्यस्त रहने र बेलुका वा भोलि बिहानै भारत जाने कार्यक्रम छ । उहाँ भारतका लागि पूर्व अमेरिकी राजदूत पनि हुनुहुन्छ ।

यसअघि गएको आइतवार नेपाल आएका भारतका विदेश सचिव विक्रम मिश्रीले दुई दिने भ्रमणका क्रममा शिष्टाचार एवम् राजनीतिक भेटवार्ता गर्नुभएको थियो । नयाँ सरकार बनेपछि भारत, अमेरिकालगायतका देशबाट भएको भ्रमणलाई अर्थपूर्ण रूपमा हेरिएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकी उप–विदेशमन्त्री वर्मा काठमाण्डौमा

तस्बिर : सामाजिक सञ्जाल

तपाईको प्रतिक्रिया