अफ्रिकामा १ करोड ५० लाख जना शिक्षकको कमि

साउन ५, २०८१ शनिबार १८:१८:४१ | एजेन्सी

अफ्रिकामा शिक्षकको अभाव भएको छ । अफ्रिकी संघ एयूले अफ्रिकी देशमा अहिले एक करोड ५० लाख जना शिक्षकको कमी रहेको बताएको चिनियाँ समाचार संस्था सिन्ह्वाले जनाएको छ ।

एयूका शिक्षा, विज्ञान, प्रविधि र नवप्रवर्तन आयुक्त मोहम्मद बेलहोसिनले घानाको राजधानी अकरामा भइरहेको एउटा सम्मेलनमा बोल्दै अहिले अफ्रिकामा आवश्यकताभन्दा एक करोड ५० लाख जना शिक्षक कमि रहेको बताउनुभएको हो । उहाँले शिक्षकको कमी हुँदा अफ्रिका महादेशको शिक्षा र विकासको आकांक्षा पूरा गर्ने क्षमतामा नकारात्मक प्रभाव पार्ने पनि चेतावनी दिनुभएको छ ।

संयुक्त राष्ट्रसंघले सन् २०३० सम्ममा शिक्षामा दिगो विकास लक्ष्य हासिल गर्नका लागि शिक्षकको सङ्ख्यामा देखिएको यो खाडललाई कम गर्न आग्रह गरेको छ । शिक्षकको सङ्ख्यालाई बढाउन, शिक्षाका पूर्वाधार सुधार गर्न र दीगो विकासका लक्ष्यलाई निर्धारित समयमा पूरा गर्न झन्डै ९० अर्ब अमेरिकी डलर लगानी आवश्यक रहेको पनि आयुक्त बेलहोसिनले बताउनुभएको छ ।

अफ्रिकामा शिक्षकको पारिश्रमिक र सामाजिक प्रतिष्ठा निकै टिठलाग्दो छ । शिक्षक हुनुभन्दा व्यवसायी बन्दा इज्जत र पैसा धेरै हुने कुराले शिक्षकको अभाव भइरहेको पनि आयुक्त बेलहोसिनको भनाइ छ ।

तत्काललाई प्रविधिको प्रयोग गरेर शिक्षकको अभाव कम गर्न सकिने उहाँले सुझाव दिनुभएको छ । इन्टरनेट र विद्युतीय माध्यमको प्रयोग गरेमा एउटै शिक्षकले सयौँ जनालाई पढाउन सक्छन् । तर यसको लागि पनि लगानी बढाउनै पर्ने देखिएको खबरमा उल्लेख छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्