गाजामा रेड क्रसकाे कार्यालय नजिकै रकेट आक्रमण, २२ जनाकाे ज्यान गयाे

 असार ८, २०८१ शनिबार १२:१२:४० | एजेन्सी
unn.prixa.net

तस्बिर : एजेन्सी

रेस क्रसको अन्तर्राष्ट्रिय समिति (आईसीआरसी) ले गाजामा रहेको आफ्नो कार्यालय नजिक भएको आक्रमणमा कार्यालय परिसरमा शरण लिइरहेका २२ जनाको ज्यान गएको बताएको छ । रेड क्रसले शुक्रवार दिउँसो ठूला रकेट अन्तर्राष्ट्रिय समितिको कार्यालय र आवास नजिकै खसेको बताएको बीबीसीले जनाएको छ ।

आक्रमणबाट आईसीआरसी कार्यालय क्षतिग्रस्त भएको छ जहाँ आईसीआरसीका प्यालेस्टिनी सहयोगीसहित सयौँ विस्थापित मानिसहरू भवन परिसरमा पालमा बस्दै आएका थिए । रकेट आक्रमणमा अन्य ४५ जना घाइते भएका खबरमा उल्लेख छ ।

घटनाबारे इजरायली सुरक्षा बल (आईडीएफ) का प्रवक्ताले आईडीएफले त्यस क्षेत्रमा कुनै कारबाही नगरेको र घटनाबारे समीक्षा गरिरहेको बताएको छ । गाजामा हमासद्वारा सञ्चालित स्वास्थ्य मन्त्रालयले भने यो आक्रमणका लागि इजरायललाई जिम्मेवार ठहराएको छ ।

गएको अक्टोबर ७ तारिखमा हमासका लडाकुले इजरायलमा गरेको आक्रमणमा १२ सय जनाको ज्यान गएको थियो । त्यसपछि इजरायलले गाजामा अन्धाधुन्ध आक्रमण गरिरहेको छ । हमासद्वारा सञ्चालित स्वास्थ्य मन्त्रालयका अनुसार अक्टोबर ७ तारिखदेखि अहिलेसम्म इजरायली आक्रमणबाट ३७ हजार जनाभन्दा धेरै प्यालेस्टिनीको ज्यान गएको छ । मारिनेमा धेरै महिला र बालबालिका रहेका छन् ।

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई