इजरायली सुरक्षा फौजले गाजाबाट चार जना बन्धकलाई सकुशल रिहा गर्‍याे

जेठ २७, २०८१ आइतबार ७:२०:२४ | एजेन्सी

इजरायली सुरक्षा फौजले गाजाबाट चार जना बन्धकको उद्वार गरेको जनाएको छ । अक्टोबर ७ मा इजरायलमा प्यालेस्टिनी बिद्रोही समूह हमासले आक्रमण गर्दा बन्धक बनाएकामध्ये चार जनाको सकुशल उद्वार गरेको इजरायली सेनालाई उद्धृत गर्दै बीबीसीले जनाएको छ ।

विशेष अभियानमार्फत २१, २५, २७ र ४० वर्षका गरी चार जना इजरायली नागरिकलाई मध्य गाजाको छुट्टाछुट्टै ठाउँबाट मुक्त गराएर स्वदेश फर्काएको सेनाले जनाएको छ । गाजाको स्वास्थ्य मन्त्रालयले पनि बन्धक मुक्त भएका स्वीकार गरेको छ । मन्त्रालयले विज्ञप्ति निकालेर इजरायलको यस अभियानमा बालबालिकासहित कैयौंको ज्यान गएको बताएको छ ।

अक्टोबर ७ मा हमासले इजरायलमा आक्रमण गर्दा १२ सय जनाको ज्यान जानुको साथै दुई सय ५१ जनालाई हमासले बन्धक बनाएको थियो । इजरायली सेनाका अनुसार हमासले अझै पनि एक सय १६ जनालाई बन्धक बनाएर राखेको छ ।

४१ जना बन्धकको ज्यान गइसकेको छ । हमासको आक्रमणपछि इजरायलले गरेको प्रत्याक्रमणमा गाजामा ३६ हजार चार सय ७० जनाको ज्यान गएको गाजाको स्वास्थ्य मन्त्रालयले जनाएको छ । इजरायली आक्रमणबाट गाजा क्षेत्र तहसनहस भएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्