देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

418_Desh Pardesh 2020-06-30

Download

कार्यक्रम देश परदेशको ४१८ औं अंक विदेशबाट फर्कनेको चाहना, रोजगारी सृजना गर्न पालिका र प्रदेशका योजना र व्यक्ति आफैंले गर्न सक्ने कामको विषयमा केन्द्रित छ । विदेशमा समस्यामा परेर स्वदेश फर्किएकाहरुको चाहना र योजना समेटिएको रिपोर्ट कार्यक्रममा सुन्न सकिन्छ । कोरोनाको कारण रोजगारी गुमाएर वा अन्य समस्यामा परेर स्वदेश फर्कनेलाई रोजगारी दिन पालिका र प्रदेश सरकारसँग कस्ता योजना र कार्यक्रम छन् त ? प्रदेश १ र कर्णाली प्रदेशका सामाजिक विकास मन्त्रीसँगको कुराकानी कार्यक्रममा समावेश छ । अनि, गाउँठाउँमै रोजगारी सृजनाका लागि पालिकाले गरेको पहलसँगै, व्यक्ति स्वयमले कसरी कमाइको बाटो समात्न सक्लान् त ? भन्ने बिषयमा डा. गणेश गुरुङ्सँगको कुराकानी कार्यक्रममा सुन्न सकिन्छ । साथमा कार्यक्रममा साताका मुख्य गतिविधि पनि समावेश छ ।

देश परदेश (अडियाे)

418_Desh Pardesh 2020-06-30

अरु एपिसोडहरु