देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको ५८४औँ अंक

Download

कार्यक्रम देश परदेशको अङ्क ५८४ वैदेशिक रोजगारीमा जान काढेको ऋणले पारेको पिर र ऋण काढ्दा ध्यान दिनुपर्ने कुरामा केन्द्रित छ । तीन लाख रुपैयाँ ऋण काढेर यूएई गएका श्रीमान् दुई वर्षसम्म अलपत्र परेपछि धादिङकी सिता दुवाडीले झेल्न परेको साहुको दबाब र भोग्न परेको मानसिक समस्या र मलेसियामा भनेकोजस्तो काम नहुँदा सिराहाका सुखदेवले ऋण तिर्न नसकी आत्महत्या गर्ने सोचाइ र नेपालमा श्रीमती रामप्यारीको छटपटी कार्यक्रममा समेटिएको छ । वैदेशिक रोजगारीको लागि ऋण काढ्दा ध्यान दिन पर्ने कुरा र विदेशमा भएको कमाइले ऋण तिर्दै परिवार व्यवस्थापन र भविष्यका लागि के कसरी बचत गर्न सकिन्छ त भन्ने उपायहरू समेटेर सुरक्षित आप्रवासन सामी कार्यक्रमका तालिम तथा वित्तीय साक्षरता संयोजक सनत सापकोटासँग गरिएको कुराकानी पनि कार्यक्रममा सुन्न सकिन्छ । साथमा छ हप्ताभरिका श्रम तथा रोजगार गतिविधि पनि ।

देश परदेश (अडियाे)

कार्यक्रम देश परदेशको ५८४औँ अंक

अरु एपिसोडहरु