देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको ५६९औँ अंक

Download

कार्यक्रम देश परदेशको अङ्क ५६९ मा देशभित्रै पौरख गरिरहेका पौरखीका सङ्घर्ष र सफलताको कथा समेटिएको छ । २० वर्ष कोरियामा रोजगारी गरेर फर्किएपछि काठमाण्डौ र ललितपुरको विभिन्न ठाउँमा चिया पसल र कोरियन रेस्टुरेन्ट चलाएर ८० जनालाई रोजगारी दिइरहनुभएका प्रेम गुरुङको अनुभव कार्यक्रममा सुन्न सकिन्छ । ६ वर्ष यूएईमा काम गरेर फर्किएकी संगीता तिमल्सिनाले सुरु गरेको ‘वे टु सक्सेस कन्सलटिङ एण्ड ट्रेनिङ सेन्टर’ को कथा पनि कार्यक्रममा समावेश छ, जहाँ अहिले १३ जनाले रोजगारी पाएका छन् । युरोप जान सबै प्रक्रिया पुरा भएपछि तलबमा चित्त नबुझेर पाँच वर्षअघि २८ वर्षे सुजन चौंलागाईले देशमै सुरु गरेको स्मार्ट धोबीको कथा पनि कार्यक्रममा सुन्न सकिन्छ । साथमा छ केही श्रम तथा रोजगार गतिविधि पनि ।

देश परदेश (अडियाे)

कार्यक्रम देश परदेशको ५६९औँ अंक

अरु एपिसोडहरु